27.06.2026 | 06:03
ԱԱ-2026. Իսպանիան հաղթեց Ուրուգվային, Կաբո Վերդեն նույնպես դուրս եկավ փլեյ-օֆֆ. ՏԵՍԱՆՅՈՒԹ
Ի՞նչ կարգի թույն ա եղել, որ միանգամից պարալիզացվել են թոքերը․ շմոլ գազից չէր կարող լինել․ ՏԵՍԱՆՅՈՒԹ
Հասարակություն
29.03.2023 | 14:00
Այդ ոնց եղավ, որ բոլոր պատկան մարմիններն անփույթ վերաբերվեցին, ոչ ոք չունի փաստի նկարները. այն, ինչ հիմա մեզ հետ խոսում են, փաստացի չէ: Այս մասին լրագրողների հետ հանդիպման ժամանակ նշեց Ազատ գյուղում զինվորական կացարանի ողբերգական հրդեհից մահացած զինծառայողներից Գագիկ Բարսեղյանի հայրը՝ Արման Բարսեղյանը:
«Մեզ հետաքրքիր է ԱԻՆ-ի պատասխանը, թե այդ ժամանակահատվածում ինչքան շմոլ գազ կարող էր արտադրել վառարանը: Ոնց կարող են բացատրել, թե այդ ինչքան շմոլ գազ է առաջացել, որ մեր երեխեքը երեք անգամ շնչելուց հետո անգիտակից այրվածքային շոկի են ենթարկվել։
Զոհված զինծառայողներից Հայկ Կիրակոսյանի հայրը՝ Գաբրիել Կիրակոսյանն էլ ասաց. «Դատական բժիշկն է փաստել, որ երեխաներից մեկի թոքերը 2-3 անգամ են կծկվել, և այդ թունավոր մասը անգամ թոքերի հատակ չի հասել: Ուրեմն ի՞նչ կարգի թույն է եղել, որ միանգամից պարալիզացվել են թոքերը: Շմոլ գազից չէր կարող նման բան լինել»:
«Մենք պատրաստ ենք 15 ծնողներով մինչև վերջ գնալու, ամեն ինչի պատրաստ ենք: Ամեն ինչ անելու ենք, մենք կորցրել ենք ամենաթանկը:
Պատկան մարմիններից պահանջում ենք արդար քննություն վարել, պատճառահետևանքային կապերը վեր հանել»,- նշեց Բարսեղյանը:
Մանրամասները՝ տեսանյութում։
