15.05.2026 | 23:20
Հուլիսի 1-ից Երևան-Բուխարեստ նոր ուղիղ չվերթ կմեկնարկի
Թուրքիայում նախագահական ընտրություններին կմասնակցի 4 թեկնածու․ ովքեր են Էրդողանի մրցակիցները
Քաղաքականություն
29.03.2023 | 15:10
Թուրքիայում մայիսի 14-ին նախանշված նախագահական ընտրություններին մասնակցելու իրավունք են ստացել չորս թեկնածուներ։ Այս մասին հայտնել է Թուրքիայի Գերագույն ընտրական խորհուրդը (YSK), գրում են տեղական լրատվամիջոցները։
Չորս թեկնածուներն են՝ իշխող «Ժողովրդական դաշինքի» թեկնածու, գործող նախագահ Ռեջեփ Թայիփ Էրդողանը, ընդդիմադիր «Ազգային դաշինքի» միասնական թեկնածու Քեմալ Քըլըչդարօղլուն, «Հայրենիք» կուսակցության առաջնորդ Մուհարեմ Ինջեն և ծայրահեղ աջ «ATA» դաշինքի թեկնածու Սինան Օղանը։
Ինջեն և Օղանը ստիպված են եղել հավաքել առնվազն 100,000 ստորագրություն իրենց կողմնակիցներից, քանի որ նրանք չեն առաջադրվել քաղաքական կուսակցության կողմից, որը վերջին ընտրություններում հավաքել է համազգային ձայների առնվազն 5 տոկոսը։
Միայն Ինջեն և Օղանն են կարողացել 100,000-ական ստորագրություն հավաքել, իսկ մյուս հավանական թեկնածուները, ինչպիսիք են «Հայրենիք» կուսակցությունից Դողու Փերինչեքը և հանգուցյալ նախագահ Թուրգութ Օզալի որդին՝ Ահմեդ Օզալը, ձախողվել են։
Ընտրություններում հիմնական պայքարը ծավալվելու է Էրդողանի և Քըլըչդարօղլուի միջև։
Հավելենք, որ քրդամետ Ժողովուրդների դեմոկրատական կուսակցությունը, որը խորհրդարանում մեծությամբ երրորդ խմբակցությունն ոյնի, հրաժարվել է թեկնածու առաջադրել և, հավանաբար, կաջակցի Քեմալ Քըլըչդարօղլուին։
Էմմա Չոբանյան
