Տունը իմն է, պետությանը չեմ տալու. Վլադիմիր Գասպարյան․ ՏԵՍԱՆՅՈՒԹ

Նախկին ոստիկանապետ Վլադիմիր Գասպարյանը չի ընդունում, որ իր տունը ձեռք է բերվել ոչ օրինական եկամուտներով։ Այս մասին Գասպարյանը հայտարարել է դատական հերթական նիստից հետո Factor TV-ի հարցին ի պատասխան։ Նախկին ոստիկանապետը չի ընդունում կոռուպցիոն մեղադրանքները։

«Ես երբեք չեմ անի այն, ինչն օրենքից դուրս է: Այս մասին այսօր՝ մարտի 28-ին, դատական նիստից հետո լրագրողների հետ զրույցում նշեց ՀՀ նախկին ոստիկանապետ Վլադիմիր Գասպարյանը:

«Դատական պրոցեսը ցույց կտա, որ սա մի կենդանու ֆանտազիայի արդյունքներն են: Ամբողջ դատական պրոցեսի ընթացքում այս ամենը կժխտվի»,- ասաց Գասպարյանը:

Անդրադառնալով հարցին, թե արդյոք պատրաստվում է իր տունը վերադարձնել պետությանը, Գասպարյանը պատասխանեց. «Գլուխները պատին են տվել, իմ տունը չեմ տալու պետությանը»:

Նշենք, որ Գասպարյանին մեղադրանք է առաջադրվել ՀՀ ՔՕ 79-րդ հոդվածի 3-րդ մասի 1-ին կետով (յուրացում կամ վատնում) և 308-րդ հոդվածի 2-րդ մասով (պաշտոնեական լիազորությունները չարաշահում)։

Հիշեցնենք` ՀՔԾ–ում քննվող բազմադրվագ քրգործով կատարված նախաքննության ընթացքում բացահայտվել են ոստիկանության նախկին բարձրաստիճան պաշտոնատար անձանց, այդ թվում` Վլադիմիր Գասպարյանի և Լևոն Երանոսյանի կողմից կատարված պաշտոնեական դիրքի չարաշահման, պաշտոնեական կեղծիքի և պետական միջոցներից խոշոր չափերի հափշտակության դեպքեր։ Դրանց հետևանքով պետությանը պատճառվել է շուրջ 114 մլն դրամի վնաս:

Մանրամասները՝ տեսանյութում։