30.01.2026 | 13:46
Իմ 5-ամյա երեխան առողջության ապահովագրության առաջին շահառուներից էր․ Պարսիլյան․ ՏԵՍԱՆՅՈՒԹ
Լավրովը մեղադրեց ՀՀ-ին․ թող ասի՛, Փաշինյա՞նն էր պատերազմը շարունակում, երբ ՌԴ-ն միջնորդեց կանգնել, թե՞ Էրդողանը․ Հակոբ Բադալյան. ՏԵՍԱՆՅՈՒԹ
Քաղաքականություն
23.03.2023 | 22:02
Factor TV-ի հարցազրույցը քաղաքական մեկնաբան Հակոբ Բադալյանի հետ
-Ռուսաստանը, փաստորեն, կողմ է, որ ԼՂ-ի բնակչության իրավունքների և անվտանգության երաշխիքների հարցերը լուծվեն ԼՂ-Ադրբեջան խոսակցության միջոցով։ Ձեր կարծիքով՝ ինչպե՞ս դա տեղի ունեցավ՝ այն բանից հետո, երբ Մոսկվան չկարողացավ սեփակա՞ն ծրագիրը կյանքի կոչել կամ դրա համար կոնկրետ խոստումներ ստանալ Ադրբեջանից, օրինակ՝ որ Արցախի կարգավիճակի հարցը կհետաձգվի, կամ որ ռուս խաղաղապահները 2025 թվականից հետո էլ կմնան այնտեղ։ Ինչպե՞ս հասկանալ այս տրանսֆորմացիան։
-Նախ՝ շատ բարդ է, իհարկե, միարժեք ասել, որ ինչ-որ տրանսֆորմացիա է տեղի ունեցել, որովհետև մենք գործընթացի վերաբերյալ շատ բաների չենք տիրապետում, քանի որ այն չէ միայն, ինչ տեսնում ենք, ինչ հրապարակի վրա արտահայտվում է։ Եվ այս տեսանկյունից, թերևս, պետք է նկատել, որ նախկինում էլ տեղի ունեցել են այդպիսի շփումներ՝ չֆորմալացված, չբարձրաձայնված, բայց շփումներ եղել են։ Նախկինում ասելով՝ նկատի ունեմ 2021, 2022 թվականների ընթացքում։ Նույնիսկ հայկական մամուլում արտահոսքի տեսքով արտահայտվում էին։
-Շփումներ ասելով՝ Ստեփանակերտ-Բաքո՞ւ նկատի ունեք։
-Օրինակ՝ խոսվում էր, որ այդ շփումներին Ստեփանակերտից մասնակցել է Վիտալի Բալասանյանը, երբ Անվտանգության խորհրդի քարտուղար էր։ Այսինքն՝ ասել, որ ինչ-որ նոր երևույթի մասին է խոսքը, երևի, այդքան էլ այդպես չէ։ Այլ հարց է, որ Մոսկվան բարձրաձայնում է իր դիրքորոշումը և նույնիսկ ինչ-որ օրակարգի մասին է խոսում, թե ինչպիսի օրակարգի շուրջ է պատկերացնում այդ շփումները։ Ես կարծում եմ՝ սա արձագանք է իրողություններին, իրավիճակներին, որ ստեղծված են տարածաշրջանում և, ընդհանրապես, նաև խոշոր խաղացողների միջև փոխհարաբերություններում՝ ոչ միայն կոնֆլիկտի կողմերի և Ռուսաստանի հետ հարաբերությունում։ Եվ այդ բարձրաձայնումը մի քանի շերտ է պարունակում։ Նախ՝ Մոսկվան բարձրաձայնելով այդպես և բերելով Կոսովոյի սերբերի օրինակը, Դոնբասի օրինակը, մի քիչ ընդհանրացնում էր, թե ինչ հետևանքներ կարող են ունենալ այդպիսի քննարկումները, և ամենևին պատահական չէ, որ Լավրովը խոսում է այդ համաձայնությունների կատարման բարեխղճության կամ կատարողների պարկեշտության մասին։
Հարցազրույցն ամբողջությամբ՝ տեսանյութում։
Ռոբերտ Անանյան
