16.09.2026 | 16:02
Խոսել եմ Հաջիևի հետ. Ալեն Սիմոնյանը` Գանձասարի միջադեպի մասին․ ՏԵՍԱՆՅՈՒԹ
Տարոն Մարգարյանը հրաժարական կտա՞. քաղաքապետարանի արձագանքը
Քաղաքականություն
21.06.2018 | 18:39
Factor.am-ի տեղեկություններով առաջիկայում պատրաստվում է հրաժարականի դիմում ներկայացնել Երևանի քաղաքապետ Տարոն Մարգարյանը: Ավելին, մեր աղբյուրների փոխանցմամբ՝ Տարոն Մարգարյանի հրաժարականի դիմումը պատրաստ է:
Այս առնչությամբ փորձեցինք մեկնաբանություն ստանալ Երևանի քաղաքապետարանի տեղեկատվության և հասարակայնության հետ կապերի վարչության պետ Արթուր Գևորգյանից։
-Պարո՛ն Գևորգյան, տեղեկություններ ունենք, որ Տարոն Մարգարյանը հրաժարական է տալու, ավելին՝ մեզ հայտնի է դարձել, որ նրա հրաժարականի դիմումը պատրատ է, Ձեր մեկնաբանությունն ենք խնդրում:
-Էդ մասին բազմիցս ասել ենք, բազմիցս հարցրել եք անձամբ քաղաքապետին, պատասխանը լսել եք, ես այդ պատասխանին ավելացնելու որևէ բան չունեմ:
-Այսինքն՝ հերքո՞ւմ եք:
-Այո՛, արդեն ասացի՝ քաղաքապետը տվյալ հարցին բազմիցս պատասխանել է, նաև Դուք եք առիթ ունեցել այդ հարցն ուղղել:
-Հասկանալի է, պարզապես ամեն օր իրավիճակ է փոխվում և գուցե դրանով պայմանավորված՝ քաղաքապետի որոշո՞ւմն էլ փոխվել է:
-Արդեն ասացի՝ անձամբ Դուք էլ այդ հարցն ուղղել եք քաղաքապետին և պատասխանը ստացել եք:
-Լավ, արձանագրենք, որ հերքո՞ւմ եք:
-Այո՛:
