10.10.2026 | 13:36
Հայտնաբերվել է զինծառայողի դի՝ հրազենային վնասվածքով․ ՊՆ
Այդ ընկերությունն ինձ շատ մտերիմ մարդկանց է պատկանում. Վահրամ Բաղդասարյանը՝ կառավարության կողմից «ՎԱԲԱ»-ին տրված արտոնության մասին. ՏԵՍԱՆՅՈՒԹ
Տնտեսություն
21.06.2018 | 16:37
ՀՀԿ խմբակցության ղեկավար Վահրամ Բաղդասարյանը պնդում է՝ այսօր կառավարության կողմից հարկային արտոնություն ստացած «ՎԱԲԱ» ՍՊԸ-ն իրեն չի պատկանում:
«Եթե այդ ընկերության փաստաթղթերի մեջ գտնեք իմ անունը, ես շնորհակալ կլինեմ: Ես բոլոր ջանքերը գործադրել եմ, որպեսզ իտալացիները գան Վանաձոր և ոչ միայն դրանով եմ բավարարվելու, այլ մի քանի լուրջ ծրագրեր կան, որ մոտ ժամանակներս դրա մասին կլսենք: Ինչքան հնարավոր է ներդրումները պետք է շարունակվեն»,- Factor.am-ի հարցին ի պատասխան՝ ասաց Վահրամ Բաղդասարյանը:
Մեր դիտարկմանը՝ ընկերության անվանումը նրա անվան և ազգանվան առաջին տառերով է սկսվում, Բաղդասարյանը հակադարձեց. «Իսկ Վաղինակ Բաղդասարյան հնարավո՞ր է լիներ կամ Վաչագան Բաբայան, Վահագ և Բագրատ: Լավ ուսումնասիրեք»:
Factor.am-ի հստակեցնող հարցին՝ այսինքն ընկերությունը Ձեզ չի՞ պատկանում, Բաղդասարյանը խոստովանեց. «Ընկերությունն իմ շատ մտերիմ մարդկանցն է և պետք է ամեն ինչ անեմ, որ աջակցեն, որպեսզի ներդրումներ լինեն»:
ՀՀԿ խմբակցության ղեկավարը նաև ընդգծեց, որ եթե ընկերությունն արտոնություն չստանար, ապա այդ հանգամանքը կարող էր մեծ աղմուկ բարձրացնել:
Հիշեցնենք՝ այսօր կառավարության կողմից հարկային արտոնություն ստացած ընկերությանը Factor.am-ը անդրադարձել էր իր՝ «Նոր իշխանություններն էլ են Վահրամ Բաղդասարյանին արտոնություններ տալիս» վերտառությամբ տեսանյութում:
Մանրամասները՝ տեսանյութում:
