12.11.2026 | 15:10
«Հաղթանակ» կամրջով երթևեկությունը ժամանակավոր կդադարեցվի // ԵՄ-ն նոր պատժամիջոցներ կսահմանի ՌԴ-ի դեմ․ ԼՈՒՐԵՐ
«Էրդողանի վերընտրվելը Իսրայելի համար լավագույն տարբերակը կարող է լինել». Haaretz
Քաղաքականություն
21.06.2018 | 15:48
Իսրայելական «Haaretz» պարբերականի վերլուծաբան Դավիդե Լերները հրապարակել է հոդված, որտեղ խոսվում է Թուրքիայում հունիսի 24-ին կայանալիք արտահերթ նախագահական ու խորհդարանական ընտրությունների, ինչպես նաև թուրք-իսրայելական հարաբերությունների մասին. փոխանցում է ermenihaber-ը:
Չնայած Գազայի հատվածում տեղի ունեցած բախումներից հետո Թուրքիայի ներկայիս նախագահ Ռեջեփ Թայիփ Էրդողանը Իսրայելի դեմ հնչեցրել է մի շարք կոշտ հայտարարություններ, այնուամենայնիվ, ըստ Լերների, իսրայելական կողմի համար լավագույն տարբերակը կլինի Էրդողանի վերընտրությունը Թուրքիայի նախագահի պաշտոնում։
Ընդգծվում է, որ չնայած Գազայի դեպքերից հետո Էրդողանը Իսրայելին մեղադրել էր ցեղասպանության մեջ և ետ էր կանչել իր դեսպանին, այնուամենայնիվ, Թուրքիայի խորհրդարանը վերջերս մերժեց առևտրատնտեսական ոլորտում թուրք-իսրայելական պայմանագրերը չեղարկելու քրդամետ կուսակցության առաջարկը։
Առաջարկը մերժվեց Թուրքիայի իշխող «Արդարություն և զարգացում» (ԱԶԿ-AKP) և «Ազգայնական շարժում» (ԱՇԿ-MHP) կուսակցությունների կողմից։
«Էրդողանի կուսակցությունը, ի տարբերություն ընդդիմադիր քեմալական «Ժողովրդահանրապետական» կուսակցության (ԺՀԿ-CHP), նախընտրական քարոզարշավի շրջանակներում չի խոսում թուրք-իսրայելական պայմանագրերը չեղարկելու մասին։ Էրդողանի վերընտրվելը Իսրայելի համար կարող է լինել լավագույն տարբերակը», – եզրակացնում է հոդվածի հեղինակը:
