17.12.2025 | 15:14
Անկարան ու Բաքուն ռազմական համագործակցության հարցեր են քննարկել
Եթե ՀՀԿ-ն փորձի պահպանել իր մոտեցումը, կհայտնվի մեկուսացման մեջ. Արմեն Ռուստամյան. ՏԵՍԱՆՅՈՒԹ
Քաղաքականություն
21.06.2018 | 13:02
ԱԺ ՀՅԴ խմբակցության ղեկավար Արմեն Ռուստամյանը կարծում է, որ Ընտրական օրենսգրքի փոփոխությունների շրջանակում կարևորագույն հարցը ռեյտինգային ընտրակարգի վերացումն է:
«Կարևորագույն հարցը մնում է ռեյտինգային ընտրակարգից հրաժարվելը: Բայց մենք ընդհանրապես ռեյտինգից հրաժարվելու հարցը չէ, որ դնում ենք, ռեյտինգի կիրառումն անձնավորված դասական տրամաբանության մեջ իրականացնելու կողմնակից ենք»,- ասաց Ռուստամյանը՝ նկատելով, որ ԸՕ-ի փոփոխությունների հետ կապված հարցերի լայն սպեկտր կա, որը պետք է քննարկվի և իրենք պատրաստ են այդ քննարկումներին:
Լրագրողի հարցին՝ Հանրապետականը պաշտպանում էր ռեյտինգային ընտրակարգը, հիմա արդյո՞ք հետ կկանգնի, պատգամավորը նշեց. «Ես կարծում եմ, որ եթե այս հարցում Հանրապետականը փորձի պահպանել ռեյտինգային ընտրակարգը պահելու պահանջը, կհայտնվի մեկուսացման մեջ, և չեմ կարծում, որ դա նրանց համար նախընտրելի է»:
Ռուստամյանը տեղեկացրեց, որ ՀՅԴ-ն ունի նաև առանձին առաջարկը. «Քանի որ ոստիկանությանը նախատեսվում է տալ հատուկ լիազորություններ, և պետք է ստեղծվի հատուկ ստորաբաժանում, որը պետք է ընտրական իրավունքը վերահսկի, առաջնահերթ է դառնում ոստիկանության ենթակայության հարցը փոխելը: Այսօր ոստիկանությունը անմիջապես ենթակա է վարչապետին: Վարչապետը, ով էլ լինի, քաղաքական ուժ է ներկայացնելու, և ոստիկանությունը չի կարող այս գործընթացում մեկի ենթակայության տակ լինել, ով ունի շահագրգռվածություն, ուստի պետք է սա փոխել, ոստիկանությունը հանել վարչապետի ենթակայությունից և դնել կառավարության ենթակայության տակ»:
Մանրամասները՝ տեսանյութում:
