16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Նպաստ, հաշմանդամության կարգ, տրանսպորտ. Ճամբարակում և Վահան գյուղում բնակիչները ՄԻՊ են ներկայացրել իրենց խնդիրները
Հասարակություն
21.06.2018 | 11:05
ՀՀ մարդու իրավունքների պաշտպան Արման Թաթոյանն այսօր այցելել է Գեղարքունիքի մարզ։ Նա հանդիպել է մարզպետ Իշխան Սաղաթելյանի հետ և քննարկել մարզի բնակիչների կողմից Պաշտպանին հասցեագրված բողոքների ուղղվածությունները։ Կողմերը պատրաստակամություն են հայտնել համատեղ աշխատել քաղաքացիների բարձրացրած խնդիրների լուծման ուղղությամբ։
Պաշտպանը մարզային այցի շրջանակում այցելել է նաև Ճամբարակ քաղաք և Վահան գյուղ։ Բնակիչները բարձրացրել են ինչպես համակարգային խնդիրներ, այնպես էլ ներկայացրել են անհատական գանգատներ կապված տարբեր պետական հիմնարկների հետ։ Մասնավորապես, բողոքները վերաբերել են տրանսպորտային հաղորդակցության ուղիների բացակայությանը, հաշմանդամության կարգի և նպաստի սահմանման իրավաչափությանը, ՀԽՍՀ խնայբանկում ներդրած ավանդի փոխհատուցմանը, զինծառայողների իրավունքներին և այլն։
Մարդու իրավունքների պաշտպանի իրավասության շրջանակում միջոցներ կձեռնարկվեն արձանագրված խնդիրների լուծման ուղղությամբ։
Նշենք, որ Պաշտպանի՝ մարզային շարունակական այցերի արդյունքում լուծվել են քաղաքացիների բարձրացրած մի շարք խնդիրներ։
