08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Բաքուն Փարիզին մեղադրել է կողմնապահության մեջ
Քաղաքականություն
07.03.2023 | 21:39
Ադրբեջանի ԱԳՆ-ն արձագանքել է Արցախում մարտի 5-ին Բաքվի կազմակերպած դիվերսիայի առնչությամբ Ֆրանսիայի ԱԳՆ հայտարարությանը՝ Փարիզին մեղադրելով կողմնապահության մեջ։
Բաքվին դուր չի եկել Փարիզի հայտարարությունը, որ հարձակում է իրականացվել Ադրբեջանի կողմից Արցախի ոստիկանների վրա։
«Ֆրանսիայի Արտաքին գործերի նախարարությունը հերթական անգամ ցուցաբերում է կողմնակալ և անհիմն դիրքորոշում՝ մեկնաբանելով հարավկովկասյան տարածաշրջանում սադրանքները։ Ֆրանսիական կողմը պետք է հասկանա, որ Լաչինի ճանապարհին բողոքի ակցիաների պատրվակով շրջանցիկ ճանապարհներով ապօրինի ռազմական գործունեությունը շարունակելու՝ հայկական կողմի փորձը միջազգային պարտավորությունների կոպիտ խախտում է»,- ասվում է հայտարարության մեջ։
Զարմանալիորեն Բաքուն խոսում է միջազգային պարտավորությունների մասին, այն դեպքում, երբ դրանք իր համար բացարձակ նշանակություն չունեն։ Մասնավորապես, չկատարելով ՄԱԿ-ի միջազգային դատարանի որոշումը՝ Բաքուն շարունակում է փակ պահել Լաչինի միջանցքը։
Էմմա Չոբանյան
