13.09.2026 | 16:49
Փաշինյանը շնորհավորել է Հայաստանի հրեական համայնքին՝ Ռոշ Հաշանայի առիթով
Իրավապաշտպանների թարմացված տվյալներով՝ Ադրբեջանում 93 քաղբանտարկյալ կա
Քաղաքականություն
27.02.2023 | 22:26
«Ազատւթյուն Ադրբեջանի քաղբանտարկյաներին» միությունը երկրում քաղբանտարկյալների թարմացված ցուցակ է հրապարակել։ Ըստ դրա՝ ներկայում Ադրբեջանում 93 քաղբանտարկյալ կա։ Նրանք բաժանված են 7 խմբի․ առաջին խումբ՝ լրագրողներ ու բլոգերներ (6 հոգի), 2-րդ խումբ՝ ընդդիմադիր կուսակցությունների և շարժումների անդամներ (6 հոգի), 3-րդ խումբ՝ Գերմանիայից արտաքսված քաղաքական էմիգրանտներ (5 հոգի), 4-րդ խումբ՝ կրոնական ակտիվիստներ (29 հոգի), 5-րդ խումբ՝ Տերտերի գործով դատապարտվածներ (8 հոգի), 6-րդ խումբ՝ Գյանջայի գործով դատապարտյալներ (26 հոգի), 7-րդ խումբ՝ ցմահ դատապարտվածներ (13 հոգի)։
Քաղբանտարկյալների թարմացված ցուցակը պատրաստել են իրավապաշտպաններ, Խաղաղության և ժողովրդավարության ինստիտուտի տնօրեն Լեյլա Յունուսը և «Քաղբանտարկյալների մոնիթորինգի կենտրոն» հասարակական միավորման ղեկավար Էլշան Հասանովը։
Ադրբեջանի իշխանությունները չեն ընդունում երկրում քաղբանտարկյալների առկայության մասին հայտարարությունները՝ դա համարելով կողմնակալ կարծիք։ Ի դեպ, Եվրախորհրդի Խորհրդարանական վեհաժողովը բանաձև է ընդունել Ադրբեջանում քաղբանտարկյալների վերաբերյալ 2021 թվականին։
Հավելենք, որ վերջին շրջանում ԱՄՆ Պետքարտուղարությունն ու ամերիկացի տարբեր սենատորներ կոչ են անում Բաքվին ազատ արձակել բոլոր քաղբանտարկյալներին, այդ թվում՝ ակտիվիստ Բախտիյար Հաջիևին, որն ի նշան իր ապօրինի կալանավորման դեմ բողոքի՝ հացադուլ է հայտարարել։
Էմմա Չոբանյան
