16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Հաստատվեց Վարդանյանի ազատումը պաշտոնից․ ԼՂ-ն կարմիր գծեր սահմանեց՝ Բաքվի հետ բանակցելուց առաջ․ Լուրեր
23.02.2023 | 19:40
- Արցախի նախագահ Արայիկ Հարությունյանն այսօր պաշտոնապես հայտնել է Արցախի պետնախարարի պաշտոնից Ռուբեն Վարդանյանին ազատելու և այդ պաշտոնը Արցախի գլխավոր դատախազ Գուրգեն Ներսիսյանին։ Հարությունյանի խոսքով՝ նոր պետական նախարարի համակարգման ոլորտում են լինելու բոլոր գործադիր մարմինները՝ բացառությամբ ուժային մարմինների և արտաքին գործերի նախարարության:
- Արայիկ Հարությունյանը, ըստ էության, խոսել է նաև Ադրբեջանի հետ բանակցություններ սկսելու համար Արցախի պայմանների մասին։ Հարությունյանն ասել է, որ պատրաստ են Ադրբեջանի հետ երկխոսության և հակամարտության կարգավորման, սակայն ունեն հստակ սկզբունքներ ու կարմիր գծեր, ըստ որոնց՝ Արցախի ժողովուրդը պետք է ապրի ինքնիշխան, անվտանգ ու արժանապատիվ կյանքով, պետք է ունենա ինքնորոշման ու սեփական ճակատագիրը սեփական հայրենիքում տնօրինելու երաշխավորված իրավունք, մինչև հակամարտության համապարփակ և վերջնական կարգավորումը ստատուս-քվոն պետք է անշեղորեն պահպանվի, իսկ խախտողները պետք է ենթարկվեն միջազգային ամենակոշտ արձագանքի ու պատասխանատվության, հանրային իշխանությունը պետք է իրականացվի Արցախի Սահմանադրությամբ և օրենքներով։
- Հայաստանի կառավարության որոշմամբ՝ Լեռնային Ղարաբաղի առանձին շրջաններից տեղահանված ընտանիքների համար կստեղծվեն հիփոթեքային վարկով անշարժ գույք ձեռք բերելու կամ կառուցելու ավելի բարենպաստ պայմաններ։ Ծրագրի շրջանակում 30.12.2022թ. դրությամբ հավաստագիր է ստացել 3293 շահառու։
Այս ժամի լուրերը՝ տեսանյութում։
