08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Շրջափակման հետևանքների մեղմացման 2-րդ միջոցառմամբ նախատեսվող աջակցության տրամադրումը կմեկնարկի առաջիկա օրերին
23.02.2023 | 19:08
Շրջափակման սոցիալ-տնտեսական հետևանքների մեղմացմանն ուղղված երկրորդ միջոցառմամբ նախատեսվող աջակցության տրամադրումը կմեկնարկի առաջիկա օրերին:
«Արցախպրես»-ի թղթակցի հաղորդմամբ՝ այս մասին Արցախի Հանրապետության Ազգային ժողովի նիստում օրենսդիր-գործադիր հարցուպատասխանի ժամանակ տեղեկացրել է Սոցիալական զարգացման և միգրացիայի նախարար Արմեն Մանգասարյանը՝ պատասխանելով «Ազատ Հայրենիք-ՔՄԴ» խմբակցության ղեկավար Արթուր Հարությունյանի հարցին:
«Պետական եկամուտների կոմիտեն պետք է մինչև փետրվարի 23-ը ներառյալ արդեն վերջնական ցանկերը տրամադրի նախարարությանը և առաջիկա մի քանի օրվա ընթացքում երկրորդ միջոցառման շահառուների գումարները կփոխանցվեն»,-մանրամասնեց նախարարը:
Անդրադառնալով երրորդ միջոցառման ընթացքին, գերատեսչության ղեկավարը հայտնեց, որ Հանրապետության շրջաններում և Ստեփանակերտում արդեն սկսված է դիմումների ընդունման գործընթացը:
«Այս պահին շուրջ 5000 ընտանիքից արդեն դիմում ենք ստացել, և ստուգելով ցանկերը պետեկամուտների կոմիտեի և ուժային կառույցների հետ, առաջիկա օրերին կմեկնարկենք նաև երրորդ միջոցառման ֆինանսավորումը»,- ասել է Ա. Մանգասարյանը՝ հավելելով, որ վառելիքի խնդրի պատճառով նաև համայնքների ղեկավարներին են ընդգրկել այս աշխատանքներում և դիմումներն ընդունվում են նաև համայնքապետարաններում:
