09.10.2026 | 15:51
Միկել Արտետան դարձել է երկրորդ ամենաբարձր վարձատրվող մարզիչն աշխարհում
Թբիլիսիում հայտնել են Սաակաշվիլիի վիճակի վատթարացման մասին
Քաղաքականություն
22.02.2023 | 19:23
Վրաստանի նախկին նախագահ Միխեիլ Սաակաշվիլիի առողջական վիճակը, որը կալանքի տակ է և բուժում է անցնում Թբիլիսիի Vivamed կլինիկայում, կտրուկ նիհարելուց հետո կրկին վատացել է, գրում է DW-ի ռուսական ծառայությունը։
«Հիվանդն ունի նորմայից պակաս քաշ և մարմնի զանգված, ընդհանուր թուլություն, հոդերի ցավեր։ Նա այժմ պառկած դիրքում է։ Ամենացավալին այն է, որ Սաակաշվիլին անհավասարակշիռ սննդակարգ ունի»,- մամուլի ասուլիսի ժամանակ ասել է Սաակաշվիլիի բժիշկ Թամարա Դավարաշվիլին։
Նրա խոսքով՝ նախկին նախագահի քաշն այժմ ընդամենը 67 կգ է, հաջորդ քայլը նրա համար կարող է լինել վերակենդանացման բաժանմունքը։
Իր հերթին, էնդոկրինոլոգ Սոփո Մեբուկեն նշել է, որ Սաակաշվիլին օրական ստանում է 300-400 կալորիա, մինչդեռ նորման կազմում է առնվազն 1700 կալորիա։
«Սա շարունակվում է արդեն մի քանի ամիս, նա ուտում է միայն այն մթերքները, որոնք անհրաժեշտ է համարում, այլ ոչ թե այն, ինչ բժիշկները խորհուրդ չեն տալիս: Մենք հիվանդին առաջարկել ենք սպիտակուցային հավելումներ ընդունել կամ անցնել ներերակային սննդի, սակայն կտրականապես հրաժարվել է»,- ասել է նա։
Vivamed կլինիկայի գլխավոր բժիշկ Զուրաբ Չխաիձեն իր հերթին պնդում է, որ ողջունում է վրացական իշխանությունների առաջարկը՝ բուժման համար ցանկացած երկրից բարձր որակավորում ունեցող բժիշկների հրավիրել, սակայն Սաակաշվիլիից և նրա հարազատներից պատասխան չի ստացել։
Տաթև Ֆռանգյան
