10.04.2026 | 17:53
«Յուվենտուսը» նոր պայմանագիր կնքեց Լուչանո Սպալետիի հետ
Կրակոցների ուղեկցությամբ վարժանքներ ռուսական ռազմաբազայում․ գյումրեցիներին հորդորում են խուճապի չմատնվել
Քաղաքականություն
22.02.2023 | 16:12
Գյումրիում տեղակայված ռուսական 102-րդ ռազմաբազայի տարածքում այսօր ժամը 16։00-17:00-ն ընկած ժամանակահատվածում վարժանքներ կանցկացնի, որոնք կուղեկցվեն կրակոցներով։
Ռազմաբազայի ղեկավարությունը գյումրեցիներին հորդորում է կրակոցների ձայներ լսելու դեպքում խուճապի չմատնվել։ Այս մասին տեղեկանում ենք Գյումրու համայնքապետարանի ֆեյսբուքյան պաշտոնական էջից։
Հղում տալով ռազմաբազային՝ համայնքապետարանից հայտնում են նաև, որ զորավարժություններն անցկացվելու են փետրվարի 23-ի տոնական միջոցառումներին ընդառաջ։
Փետրվարի 23-ը Ռուսաստանի Դաշնությունում նշվում է որպես «Հայրենիքի պաշտպանի օր», տոնակատարություններ են լինելու նաև Գյումրիում տեղակայված 102-րդ ռուսական ռազմաբազայում։
Նշենք, որ եղել են դեպքեր, երբ ռազմաբազայում անցկացվող զորավարժությունների մասին Գյումրու բնակիչները նախապես չեն տեղեկացվել, և կրակոցների ձայները մեծ խուճապ են առաջացրել քաղաքում։
Արմիկ Մովսիսյան
