06.05.2024 | 10:56
Գյումրիում անցկացվել է «Gyumri Game Conference»-ը
Հայաստանում ԵՄ առաքելության շտաբը պաշտոնապես բացվել է Եղեգնաձորում․ ԼՈՒՍԱՆԿԱՐՆԵՐ
Քաղաքականություն
20.02.2023 | 16:46
Հայաստանում այսօրվանից աշխատանքն է սկսում ԵՄ քաղաքացիական առաքելությունը։ Պաշտոնական շտաբն այսօր բացվել է Եղեգնաձորում, հայտնում է Հայաստանում Նիդեռլանդների դեսպան Նիկո Սխերմերսը Թվիթերում։
«ԵՄ առաքելությունը պաշտոնապես հաստատվել է Բրյուսելում ԱԳ նախարարնեիի կողմից։ Դրա գլխավոր շտաբն այսօր պաշտոնապես բացվել է Եղեգնաձորում։ Հպարտ եմ իմ ներդրումն ունենալ»,- գրել է դեսպանը։
Հավելենք, որ ԵՄ առաքելության քաղաքացիական անձնակազմը կազմված է 100 հոգուց՝ ներառյալ շուրջ 50 անզեն դիտորդից։
EEAS Քաղաքացիական պլանավորման և վարման կարողությունների (CPCC) գործադիր տնօրեն Ստեֆանո Թոմատը կծառայի որպես Քաղաքացիական գործողությունների հրամանատար, իսկ Մարկուս Ռիտերը՝ որպես առաքելության ղեկավար։
Էմմա Չոբանյան
