23.11.2024 | 16:53
ՏԿԵ նախարարն այցելել է Նոր Հաճնի կամուրջ, հանձնարարականներ տվել շինարարներին
ԵՄ-ն այսօր մեկնարկում է Հայաստանում քաղաքացիական առաքելությունը․ ԵՄ խորհուրդ
Քաղաքականություն
20.02.2023 | 15:03
Եվրամիությունն այսօր մեկնարկում է Հայաստանում ԵՄ քաղաքացիական առաքելությունը Համընդհանուր անվտանգության և պաշտպանության քաղաքականության (CSDP) շրջանակում։ Այս մասին հայտարարություն է տարածել ԵՄ խորհուրդը։
Նշվում է, որ առաքելությունը պաշտոնապես հաստատվել է Խորհրդի 2023 թվականի հունվարի 23-ի որոշմամբ:
«Հայաստան-Ադրբեջան սահմանի հայկական կողմում իր տեղակայման միջոցով նպատակն է՝ նպաստել Հայաստանի սահմանամերձ շրջաններում կայունությանը, վստահության և մարդկային անվտանգության ամրապնդմանը հակամարտությունից տուժած տարածքներում և ապահովել ԵՄ-ի կողմից աջակցվող Հայաստանի ու Ադրբեջանի միջև հարաբերությունների կարգավորման ջանքերին նպաստող միջավայրին»,- ասվում է հաղորդագրության մեջ։
Բացառապես քաղաքացիական անձնակազմը կազմված է 100 հոգուց՝ ներառյալ շուրջ 50 անզեն դիտորդներ։
«Առաքելության օպերատիվ շտաբը կլինի ՀՀ Վայոց ձորի մարզի Եղեգնաձոր քաղաքում։ EEAS Քաղաքացիական պլանավորման և վարման կարողությունների (CPCC) գործադիր տնօրեն Ստեֆանո Թոմատը կծառայի որպես Քաղաքացիական գործողությունների հրամանատար, իսկ Մարկուս Ռիտերը՝ որպես առաքելության ղեկավար»,- ասվում է հաղորդագրության մեջ։
Էմմա Չոբանյան
