28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Թուրքիայի Հաթայ նահանգում երկրաշարժի հետևանքով հայկական եկեղեցիներ են վնասվել․ ԼՈւՍԱՆԿԱՐՆԵՐ
Հասարակություն
17.02.2023 | 23:11
Թուրքիայում գրանցված ավերիչ երկրաշարժը վնաս է հասցրել նաև Թուրքիայի Հաթայ նահանգում գտնվող հայկական երեք եկեղեցիներին, մեկն ամբողջությամբ փլվել է: Այս մասին տեղեկացնում է Պոլսո Հայոց պատրիարքարանը:
Քըրըքխանի Սուրբ Գրիգոր Լուսավորիչ եկեղեցին, որը գտնվում էր կիսավեր վիճակում (փլված էր միայն տանիքը), ամբողջովին փլվել է:
Վաքըֆ գյուղի Սուրբ Աստվածածին եկեղեցու շինությունը բարեբախտաբար չի վնասվել, բայց վնասվել է ներսի մի հատվածը և դրսում գտնվող աղբյուրի կողքի պատը:
Իսքենդերունի (Ալեքսանդրետ) Սրբոց Քառասնից Մանկանց Եկեղեցին նույնպես ներսի հատվածում վնասներ է կրել, որոնք հնարավոր է վերանորոգմամբ շտկել:
Նշվում է, որ Սուրբ Աստվածածին եկեղեցում և Սրբոց Քառասնից Մանկանց Եկեղեցում ներսի մաքրման և շտկման աշախատանքներ են իրականացվում:
