08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Գյումրիում թափառող շները շատացել են․ 100 շան ստերջացման համար 2 միլիոն 780 հազար դրամ կծախսեն
Հասարակություն
14.02.2023 | 22:21
Գյումրիում թափառող կենդանիների վնասազերծման և ստերջացման նպատակով համայնքապետարանը մրցույթ է հայտարարել, սակայն մինչ հայտնի դառնան մրցույթի վերջնական արդյունքները ու պայմանագիր կնքվի շահած կազմակերպության հետ, որը կտևի մեկ ամսից ավելի, քաղաքային իշխանությունը ժամանակավոր լուծում է գտել։ Հիմք ընդունելով այն, որ Գյումրիում թափառող շների քանակը մեծացել է և ելնելով հարցի հրատապությունից՝ քաղաքային իշխանությունը որոշել է մինչ պայմանագրի կնքումն ու այդ աշխատանքները կազմակերպումը 100 շան ստերջացման համար պայմանագիր կնքել մեկ այլ կազմակերպության հետ՝ հատկացնելով 2 միլիոն 780 հազար դրամ։ Այս մասին այսօր Գյումրու ավագանու նիստի ժամանակ հայտնեց համայնքապետի ֆինանսական գծով խորհրդական Լենա Ջիլավյանը։
Ըստ նրա՝ Գյումրու համայնքապետարանը նախատեսել է մեկ տարվա ընթացքում ստերջացնել 500 շուն։
Գյումրու քաղաքապետ Վարդգես Սամսոնյանն էլ պարզաբանեց, որ խնդիրն, իրոք, հրատապ է․ հաճախ այլ համայնքներից շներին մեքենաներով բերում, բաց են թողնում քաղաքում։ Քաղաքապետը հայտարարեց, որ մինչև փետրվարի վերջ՝ մինչ մրցույթի վերջնական արդյունքների հրապարակումը, կօգտվեն այլ կազմակերպության ծառայությունից։
Արմիկ Մովսիսյան
