28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Բացահայտվել է «Նաիրիտ»-ից կատարված գողությունը
Հասարակություն
14.02.2023 | 22:56
Գիշերային ծառայության հերթական արդյունքն են գրանցել մայրաքաղաքի պարեկները: Փետրվարի լույս 7-ի գիշերը, ժամը 4.10-ին, Երևանի Արտաշատի խճուղում՝ «Նաիրիտ» գործարանի մոտ, նրանք ստուգել են «ԲՄՎ» մակնիշի մի մեքենա: Գողություն կատարելու հիմնավոր կասկածի հիմքով պարեկները ձերբակալել և, մեքենայով հանդերձ, բաժին են տեղափոխել մայրաքաղաքի Ծերենցի փողոցի բնակիչ, 39-ամյա վարորդին:
ՀՀ ոստիկանությունից տեղեկանում ենք, որ հետագա միջոցառումներով իրավապահները պարզել են, որ մեքենայում առկա մալուխը վարորդը, 35-ամյա բարեկամի հետ, գողացել էր «Նաիրիտ» գործարանի տարածքից: Պարզվել է նաև, որ հունվար-փետրվար ամիսներին նույն տեղից կատարել են ևս չորս գողություն:
Վարորդը ներկայացվել է քննչական բաժին: Ձեռնարկվում են միջոցառումներ` հանցակից բարեկամին հայտնաբերելու ուղղությամբ:
Նախաձեռնվել է քրեական վարույթ:
