03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
Հայկական կողմը ստացել է խաղաղության պայմանագրի շուրջ ադրբեջանական կողմի փոխանցած տեքստը, աշխատում է դրա վրա և շուտով կփոխանցի Բաքվին
Քաղաքականություն
14.02.2023 | 16:05
Այսօր Անվտանգության խորհրդի քարտուղար Արմեն Գրիգորյանն Ազգային ժողովում ճեպազրույցի ժամանակ խոսելով խաղաղության պայմանագրի շուրջ՝ նշել է, որ հայկական կողմը Բաքվից ստացել է իր առաջարկած տեքստի պատասխանը և անհրաժեշտ փոփոխություններից հետո կփոխանցի Ադրբեջանին։
«Այսինքն, այն տեքստը, որը Ադրբեջանը փոխանցել էր հայկակակն կողմին, դրա վրա մենք աշխատել, փոխանցել ենք, հետո Ադրբեջանն է աշխատել ու փոխանցել։ Հիմա հայկական կողմն է աշխատում, և հնարավորինս շուտ կարծում եմ՝ այդ տեքստը արդեն պատրաստ կլինի, և մենք պատրաստ կլինենք փոխանցելու ադրբեջանական կողմին։ Այս պահին չեմ կարող ասել, թե այդ փոխանցումն ինչպես տեղի կունենա, բայց երբ հստակություն լինի, կարծում եմ՝ հանրությունը տեղյակ կլինի դրա մասին», – ասել է Արմեն Գրիգորյանը։
Նրա խոսքով՝ Հայաստանը շարունակում է աշխատել միջազգային գործընկերների հետ, որպեսզի միջազգային տեսանելի մեխանիզմի շրջանակում քննարկումներ տեղի ունենան Ստեփանակերտի և Բաքվի միջև։
«Այս մեխանիզմին կարող է անդրադարձ լինել միջազգային այլ պայմանագրում՝ խաղաղության պայմանագրում, որի շուրջ բանակցություններ են ընթանում։ Այն կարող է լինել միջազգային այլ կառույցների կամ այլ ֆորմատով, դա հստակ չէ, դա քննարկման առարկա է, որը պետք է շարունակենք քննարկել հստակեցնելու համար։ Սա ևս մեկ անգամ ցույց է տալիս, որ Հայաստանը ավելի շատ կողմ է հստակեցումներին»,- ասել է Գրիգորյանը։
