28.10.2026 | 11:44
Թրամփը հայտարարել է Պուտինի ու Զելենսկիի հետ առաջիկա հանդիպման մասին
Կրկնահանցագործությունը նվազեցնելու նախապայմաններից է ՔԿՀ-ներում կրթության ապահովումը. Նարե Հովհաննիսյան․ ՏԵՍԱՆՅՈՒԹ
Հասարակություն
14.02.2023 | 15:57
Ազատազրկված անձանց կրթության իրավունքն ամրագրված է քրեակատարողական ոլորտը կանոնակարգող օրենսդրությամբ: Կրթությունը նաև ազատազրկված անձանց վերասոցիալականացման կարևոր բաղադրիչներից է: Մինչդեռ ազատազրկված անձանց կրթության իրավունքն արդյունավետ ձևով չի իրացվում, ինչը կապված է օրենսդրական, պրակտիկ և մի շարք այլ խնդիրների հետ: Դա ոչ միայն հանգեցնում է ազատազրկված անձանց կրթության իրավունքի խախտմանը, այլև խաթարում է նրանց վերասոցիալականացման գործընթացը՝ մեծացնելով կրկնահանցագործություն կատարելու ռիսկերը:
«Իրավական նախաձեռնությունների կենտրոն» ՀԿ-ի այսօր կազմակերպած «Կրթությունը քրեակատարողական հիմնարկներում. մարտահրավերներ և հեռանկարներ» թեմայով կոնֆերանսի ընթացքում «Իրավական նախաձեռնությունների կենտրոն» ՀԿ նախագահ Նարե Հովհաննիսյանն ընդգծեց, որ կրկնահանցագործությունը նվազեցնելու նախապայմաններից է ՔԿՀ-ներում կրթության ապահովումը։
Նրա խոսքով՝ կրթությունը ոչ միայն ապահովում է ազատազրկված անձանց վերասոցիալականացումը, այլև դրանով պայքար է մղվում քրեական ենթամշակույթի դեմ:
«Պայմաններ ենք ստեղծում, որ իրացվի կրթություն ստանալու իրավունքը և նախադրյալներ ենք ստեղծում ոչ միայն սոցիում վերադարձի համար, այլ նաև, որ անձինք հնարավորինս հեռու մնան քրեական մշակույթից։ Եվ նաև դրանով պետությանը ազդակներ ենք ուղարկում, որ դա է մեր երկրում կրկնահանցագործությունները նվազեցնեռլու կարևոր նախապայմաններից մեկը,- նշեց Հովհաննիսյանը/։
«Իրավական նախաձեռնությունների կենտրոն» ՀԿ նախագահը նաև կարևորեց ազատազրկման վայրից դուրս գալուց հետո անձանց հետ կապի պահպանումը․ այսօր դատապարտյալը դուրս է գալիս քրեակատարողական հիմնարկից և նրա հետ կապը կտրվում է, տեղեկություններ չկան, թե նա ինչպես է ինտեգրվում, ինչ խնդիրների առաջ է կանգնում:
Նշենք, որ այն անձինք, որոնք որևէ կրթություն չեն ստացել, նրանց մոտ, ըստ միջազգային ուսումնասիրությունների, կրկնահանցագործությունների ռիսկը 70-80% է:
Մանրամասները՝ տեսանյութում։
