15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Փոխքաղաքապետի օգնական, ՄՌԿ պատասխանատու․ նոր պաշտոնների ավելացում՝ Երևանի քաղաքապետարանում. ՏԵՍԱՆՅՈՒԹ
Քաղաքականություն
14.02.2023 | 13:26
Երևանի քաղաքապետարանում մեկնարկել է ավագանու հերթական նիստը։ Օրակարգում ընդգրկված է 24 հարց, որոնց մի մասը զեկուցվող է, մյուսը մասը՝ չզեկուցվող։
Երևանի քաղաքապետի առաջին տեղակալ Լևոն Հովհաննիսյանն անդրադարձավ զեկուզվող 13-րդ հարցին։ Ներկայացնելով Երևան քաղաքի ավագանու 2018 թվականի հոկտեմբերի 29-ի N10-Ա որոշման մեջ փոփոխություն կատարելու մասին նախագիծը՝ Հովհաննիսյանը հայտնեց․ «Նախագծով առաջարկվում է օտիմալիզացիայի արդյունքում ունենալ նոր պաշտոնների ավելացում, որը հնարավորություն կտա իրականացնել առավել արդյունավետ կառավարում»։
Փոխքաղաքապետի խոսքով՝ ավելացվող հաստիքային նոր միավորներն են՝ վարչական շրջանի աշխատակազմի գլխավոր մասնագետ մարդկային ռեսուրսների կառավարան պատասխանատու՝ բոլոր վարչական շրջաններում, առաջատար մասնագետ՝ հասարակայնության հետ կապերի պատասխանատու, վարչական շրջանների ղեկավարների օգնականներ, քաղաքապետի տեղակալի օգնական և այլն։
Փոխքաղաքապետը հայտնեց նաև, որ տեսուչներից մոտ 90 անձ կրճատում է նախատեսվում, քանի որ տեղի է ունեցել օրենսդրական փոփոխություն, և համայնքն այսուհետև իր ծառայությունների դիմաց կարող է միայն անկանխիկ վճարումներ ստանալ։
Եթե նախկինում վարչական շրջաններում կային գրանցված տեսուչներ, որոնց քաղաքացիները կանխիկ գումար էին վճարում, Լևոն Հովհաննիսյանի փոխանցմամբ, նրանց գործունեությունն արգելվում է։
Մանրամասները՝ տեսանյութում։
