13.09.2026 | 14:32
Մոլդովական փողոցում խոտածածկույթի հրդեհ է բռնկվել, առկա էր տարածման վտանգ
Թուրքական պետական «Անադոլու» գործակալությունն անդրադարձել է հայ փրկարարների աշխատանքին. ԼՈւՍԱՆԿԱՐՆԵՐ
Քաղաքականություն
12.02.2023 | 20:34
Երկրաշարժից տուժած Թուրքիայի Ադըյաման քաղաքում հայ փրկարարների աշխատանքին առանձին հրապարակմամբ անդրադարձել է պետական «Անադոլու» գործակալությունը՝ նշելով, որ Հայաստանի փրկարարական խումբը կազմված է 28 հոգուց։
Գործակալության թղթակիցը զրուցել է Հայաստանի ՆԳՆ որոնողափրկարարական ջոկատի անդամ Գարի Արմաղանյանի հետ, որն իր ցավակցությունն է հայտնել երկրաշարժի հետևանքով զոհվածների հարազատներին։
«Մենք ժամանել ենք Թուրքիայի Հանրապետություն Հայաստանի Հանրապետության կառավարության հանձնարարությամբ։ Փետրվարի 7-ին մենք ժամանել ենք Գազիանթեփի օդանավակայան։ Վաղ առավոտյան ուղևորվել ենք Ադըյաման և շարունակում ենք որոնողափրկարարական աշխատանքները։ Ո՛չ ես, ո՛չ էլ մեր թիմի անդամները երբեք նման երկրաշարժ չենք տեսել»,- ասել է հայ փրկարարը։
Լրատվամիջոցը նաև հիշեցնում է, որ 35 տարվա ընթացքում հայ-թուրքական սահմանը փակ է, և անցակետը բացվել է այդ ընթացքում առաջին անգամ Հայաստանի մարդասիրական օգնությունը Թուրքիա հասցնելու համար։
Հավելենք, որ հայ փրկարարները արդեն երեք հոգու կյանք են հասցրել փրկել`դուրս բերելով փլատակներից։
Էմմա Չոբանյան
