08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Թուրքիայում փրկել են 90 ժամ փլատակների տակ մնացած 10 օրական փոքրիկին
Քաղաքականություն
10.02.2023 | 20:51
Թուրքիայի Հաթայ նահանգում 10 օրական երեխային, որը 90 ժամ փլատակների տակ է մնացել, հաջողվել է փրկել մոր հետ միասին։ Այս լուրը թվիթերյան իր էջում հայտնել է Ստամբուլի քաղաքապետ Էքրեմ Իմամօղլուն, գրում է Gercek news-ը։
«Յագիզ Ուլասի փոքրիկն ընդամենը 10 օրական է, նա մոր հետ փլատակների տակից դուրս է բերվել Հաթայի Սամանդաղ քաղաքում երկրաշարժից 90 ժամ անց»,- գրել է Իմամօղլուն։
Գրեթե նույն ժամանակ Ստամբուլից մեկ այլ փրկարարական խմբի հաջողվել է Ադըյամանում փլատակների տակից դուրս բերել 45-ամյա կնոջ։
Գիշերվա ընթացքում շենքերի փլատակների տակից դուրս է բերվել ևս մի քանի մարդ, այդ թվում՝ Հաթայ նահանգի Սամանդաղ թաղամասում 90 ժամ հետո մոր հետ փրկված 10-ամյա տղան։
Հաթայում նաև 7-ամյա Ասյա Դոնմեզին է հաջողվել փրկել, որը 95 ժամ անցկացրել է փլատակների տակ։ Նա տեղափոխվել է հիվանդանոց։
Էմմա Չոբանյան
