15.07.2026 | 14:10
ՌԴ-ում ծնված ներդրողին Պետդեպը նշանակել է TRIPP-ի հիմնադրամի ղեկավար․ նա ներդրումներ ունի նաև ՀՀ-ում․ The Guardian
Միրզոյան-Բայրամով-Լավրով հանդիպում կլինի՞․ ՀՀ ԱԱԾ-ում ատեստավորում կանցկացվի․ Լուրեր
09.02.2023 | 17:00
- Տարածաշրջանում իրավիճակը կայունացնելու նպատակով Ռուսաստանի, Հայաստանի և Ադրբեջանի արտաքին քաղաքական գերատեսչությունների ղեկավարներ Սերգեյ Լավրովի, Արարատ Միրզոյանի և Ջեյհուն Բայրամովի եռակողմ հանդիպման անցկացման գաղափար է մշակվում։ Այս մասին հայտարարել է ՌԴ փոխարտգործնախարար Սերգեյ Ռյաբկովը։
- Վարչապետ Նիկոլ Փաշինյանը կառավարության նիստին անդրադարձել է Ադրբեջանի կողմից Լաչինի միջանցքը փակելուն և նշել է, որ Ադրբեջանի այս գործողությունները մեկ նպատակ ունեն՝ կոտրել սեփական հայրենիքում ապրելու Լեռնային Ղարաբաղի բնակչության կամքը, ինչը որ անկոտրում է: Փաշինյանը նաև նշել է, որ միայն միջազգային հանրության չնվազող ակտիվությունն է Ադրբեջանի ագրեսիվությունը և սադրիչ գործելակերպը զսպելու եղանակը:
- Կառավարությունն այսօր հավանություն է տվել որոշմանը, որի համաձայն՝ ԱԱԾ աշխատակիցները նույնպես կանցնեն ատեստավորում, և անցնողների աշխատավարձերը կբարձրանան։ Վարչապետ Նիկոլ Փաշինյանը հիշեցրել է, որ զինծառայողների դեպքում նույնպես աշխատավարձը կկրկնապատկվի։ ԱԺ-ում էլ ԿԳՄՍ նախարար Ժաննա Անդրեասյանը հայտնել է, որ Արվեստի, սպորտի դպրոցների մանկավարժները կանցնեն ատեստավորում ու կստանան հավելավճար։
Այս ժամի լուրերը՝ տեսանյութում։
