01.05.2026 | 17:50
Հայաստանի ծանրամարտի ֆեդերացիայի ընդհանուր ժողովի արդյունքները
88-ի շարժումը, հասարակության հետագա դեգրադացիան և փողի պաշտամունքը․ ապաքաղաքական զրույց Ալեքսան Հակոբյանի հետ․ՏԵՍԱՆՅՈՒԹ
Հաղորդաշարեր
05.02.2023 | 21:00
Factor TV-ի A-Politic հաղորդաշարի հյուրն է 1988 թվականի համաժողովրդական շարժումը համակարգող «Ղարաբաղ» կոմիտեի անդամ, պատմական գիտությունների դոկտոր Ալեքսան Հակոբյանը: Նրա կարծիքով` 1988-ի փետրվարի 20-ին մեկնարկած Շարժման 35-ամյակն արժե նշել, քանի որ նոր սերունդն այդ իրադարձությունների մասին բավարար տեղեկություններ չունի: Ըստ հաղորդման հյուրի՝ Երրորդ հանրապետության պատմության մեջ եղել է բավականին երկար ժամանակահատված, երբ այդ Շարժումը փորձում էին մոռացության տալ: Ալեքսան Հակոբյանի դիտարկմամբ՝ սա այն ժամանակաշրջանն էր, երբ արժեքային համակարգի առանցքում դրվել էր փողը, զուտ նյութական շահը, և այդ գործոնների ազդեցության տակ որոշ ժամանակ անց սկսվեց հասարակության դեգրադացումը:
Պատասխանելով այն հարցին՝ ե՞րբ էր հասարակությունն ավելի կրթված, ե՞րբ էր ընդհանուր մտավոր մակարդակն ավելի բարձր՝ 1990 թվականի՞ն, թե՞ հիմա, Ալեքսան Հակոբյանը նշում է, որ 1988-90 թվականների Շարժման տարիները հասարակության թռիչքի պահ էին, և այդ ժամանակահատվածը դժվար է համեմատել մեր նորագույն պատմության որևէ այլ շրջանի հետ: Նման վերելքի հասնելու համար, պատմաբանի կարծիքով, պետք է երկարատև և համառ աշխատանք: Մասնավորապես, մտավորականները չպիտի վարանեն բարոյական արժեքների մասին խոսել՝ նույնիսկ այն պարագայում, երբ այդ խոսակցությունները չեն արժանանում մեծամասնության հավանությանը:
Մանրամասները՝ տեսանյութում:
