30.10.2026 | 19:08
Արծվիկ Մինասյանը և Շուշան Սարգսյանը՝ Մրցակցության պաշտպանության հանձնաժողովի անդամներ
Հայ լողորդները կնախապատրաստվեն Ճապոնիայում կայանալիք աշխարհի առաջնությանը
03.02.2023 | 14:50
Հայաստանի լողի հավաքականը մարտի 23-ից երկշաբաթյա ուսումնամարզական հավաք կանցկացնի Ծաղկաձորում: Այնուհետև, ապրիլին կանցկացվի Հայաստանի առաջնությունը. գրում է armsport-ը։
Արդեն հուլիսին պատանի լողորդները Բելգրադում կմասնակցեն Եվրոպայի, իսկ ազգային թիմը Ճապոնիայի Ֆուկուոկա քաղաքում ՝ աշխարհի առաջնություններին: Նույն ամսին Սլովենիայում կայանալիք Եվրոպայի ամառային օլիմպիական պատանեկան փառատոնում կներկայանան նաև մեր պատվիրակները:
Նշենք՝ Ճապոնիայում կայանալիք աշխարհի առաջնությունում կխաղարկվեն «Փարիզ-2024»-ի ուղեգրեր: Իհարկե, վարկանիշային այլ մրցաշարեր էլ կան, որոնց արժանանալու համար կպայքարեն նաև մեր երկրի ներկայացուցիչներ Արթուր Բարսեղյանը, Աշոտ Չախոյանը, Լևոն Քոչարյանը, Անի Պողոսյանը, Վարսենիկ Մանուչարյանը, Եվա Կարապետյանը և այլք:
Հոկտեմբերին կապույտ լողուղյակներում կմրցեն պատանեկան, նոյեմբերին՝ մինչև 14 տարեկանների ՀՀ առաջնությունների մասնակիցները: Դեկտեմբերին Եվրոպայի առաջնության ծրագրով Բուխարեստի կարճ ջրում (25մ. լողավազանում) կվիճարկվեն Եվրոպայի առաջնության մեդալները: Դրանից օրեր անց մեր պատվիրակները Ս.Պետերբուրգում կպայքարեն օլիմպիական չեմպիոն Վլադիմիր Սալնիկովի անվան մրցանակների համար:
