Թուրքիական մասնագիտացված ընկերությունները պաշտոնական ծանուցումներ չեն ստացել ամերիկյան պատժամիջոցների պատճառով ռուսական ավիաընկերությունների սպասարկման ռիսկերի մասին, անհրաժեշտության դեպքում նրանք կարող են խորհրդակցություններ սկսել ռուսական կողմի հետ։ Այս մասին Ռիա Նովոստիին հայտնել է թուրքական ընկերություններից մեկի լավատեղյակ աղբյուրը։
Թուրքիայի օդանավակայաններում ինքնաթիռներ շահագործող Havaş-ը նախազգուշացրել էր, որ ԱՄՆ պատժամիջոցների պատճառով կարող է դադարեցնել ռուսական ավիաընկերություններից ավելի քան 170 Boeing ընդունումը։
«Մենք տեսել ենք նաև հրապարակումներ ԶԼՄ-ներում, սակայն այս պահին պաշտոնական ծանուցումներ այդ կապակցությամբ չեն ստացվել»,- ասել է աղբյուրը։Միաժամանակ գործակալության զրուցակիցը չի բացառել անհրաժեշտության դեպքում խորհրդակցություններ անցկացնելը ռուսական կողմի հետ։
«Ռուսական շուկան նշանակալի է ընկերությունների համար, որոնք զբաղվում են փոխադրումների սպասարկմամբ։ Դրա համար երբ ռիսկեր են առաջանում, խորհրդակցությունները չեն բացառվում, սա աշխատանքային գործընթաց է։ Բայց այս պահին խնդիրներ չկան»,- ասել է նա։
Ավելի վաղ Wall Street Journal-ը, հղում անելով իր աղբյուրներին, հայտնել էր, որ Վաշինգտոնը ճնշում է գործադրում Անկարայի վրա, որ վերջինս արգելի ամերիկյան արտադրության ինքնաթիռներով ռուսական ավիաընկերությունների թռիչքների ժամանումը և սպասարկումը։
Էմմա Չոբանյան
