01.11.2024 | 19:22
Գյումրիի ավագանու «Բալասանյան դաշինքը» 13 թափուր մանդատ ունի, 1 թեկնածու մանդատ է վերցրել
2021-ի խոշոր հարկատուների ցանկում 11 տեքստիլ ընկերություններ են եղել․ էկոնոմիկայի փոխնախարար․ ՏԵՍԱՆՅՈՒԹ
Տնտեսություն
02.02.2023 | 11:49
ՀՀ կառավարությունը հաստատեց Հայաստանի տեքստիլ արդյունաբերության զարգացման ծրագիրը և դրանից բխող՝ 2023-2026 թվականների գործողություննՀՀ կառավարությունը հաստատեց Հայաստանի տեքստիլ արդյունաբերության զարգացման ծրագիրը և դրանից բխող՝ 2023-2026 թվականների գործողությունների ծրագիրը:
Կառավարության այսօրվա նիստում էկոնոմիկայի նախարարի տեղակալ Ռաֆայել Գևորգյանը հայտնեց, որ 2011-2020 թթ. ընթացքում միջինում ավելի քան 40 տոկոս աճ է նկատվել նշված ոլորտի արտահանման դինամիկայում:
«2022 թվականին նկատեցինք, որ արտահանման ծավալները հատել են 200 միլիոն դոլարի սահմանը: 2021 թվականի նկատմամբ ունեցել ենք 15,7 տոկոս աճ: Այս ամենը թույլ է տալիս եզրակացնել, որ կա բավականին բարձր ներուժ ոլորտի զարգացման համար»,- ասաց փոխնախարարը՝ հավելելով, որ հագուստի արտադրությունը 2020-2022 թթ. ապահովել է մոտ 11 հազար 500 աշխատատեղ, և 2021-ի խոշոր հարկատուների ցանկում 11 տեքստիլ ընկերություններ են եղել։
«Ծրագրով նախանշվել է 3 առանցք՝ մարդկային կապիտալի զարգացում, արտադրական կարողությունների զարգացում և օպտիմալացում, արտահանմանն ու վաճառքներին միտված ծրագրեր։
Այս ուղղությունների համար առաջիկա տարիներին նախատեսվում է տրամադրել մոտ 14 միլիարդ դրամ:
Ծրագրի իրականացման արդյունքում արտադրողականությունը կկարողանանք բարձրացնել 1,8 անգամ»,- նշեց փոխնախարարը:
Մանրամասները՝ տեսանյութում։
