16.09.2026 | 09:45
ՀՀ տարածքում ավտոճանապարհներն անցանելի են
Ուկրաինայում ռուսական հրթիռը հարվածել է բնակելի շենքի
Քաղաքականություն
02.02.2023 | 10:20
Առնվազն երեք մարդ է զոհվել, ևս 20-ը վիրավորվել են Կրամատորսկի կենտրոնում գտնվող բնակելի շենքին ռուսական հրթիռային հարվածի հետևանքով, Telegram-ի ալիքում հայտնել է Դոնեցկի մարզային վարչության ղեկավար Պավել Կիրիլենկոն, գրում է BBC-ի ռուսական ծառայությունը։
«Երկու ժամ առաջ ռուս օկուպանտները հրթիռակոծել են քաղաքի կենտրոնում գտնվող բնակելի շենքը և ավերել այն։ Փրկարարները, իրավապահները, կոմունալ ծառայությունները տեղում աշխատում են՝ մաքրում են ավերված տան փլատակները։ Դրանց տակ կարող են մարդիկ լինել»,- գրել է նա:
Ուկրաինայի նախագահ Վլադիմիր Զելենսկին, արձագանքելով Կրամատորսկի հրթիռակոծմանը, Telegram-ի ալիքում գրել է․ «Բնակելի շենք, հրթիռային հարված, խաղաղ բնակիչներ են զոհվել և փլատակների տակ են։-Սա պատմության կրկնություն չէ, սա մեր երկրի կյանքի առօրյա իրականությունն է։ Երկիր, որը տարածքային առումով սահմանակից է բացարձակ չարիքին։ Եվ մեր երկիրը պետք է հաղթի նրան, որպեսզի զրոյի հասցնի նման ողբերգությունների կրկնության հավանականությունը»։
