20.03.2026 | 23:39
Կիևը Մերձավոր Արևելք ռազմական խմբեր է ուղարկել՝ ԱԹՍ-ներ որսալու համար
«Հաագայում ներկայացրած ականները Ադրբեջանը վերցրել է ՀՀ-ի ինքնիշխան տարածք ներխուժելուց հետո, ոչ թե ԼՂ». փաստաբան
Քաղաքականություն
31.01.2023 | 20:52
«Հաագայում ներկայացրած ականները Ադրբեջանը վերցրել է ՀՀ-ի ինքնիշխան տարածք ներխուժելուց հետո, ոչ թե ԼՂ»,- այս մասին այսօր Հաագայի դատարանում հայտարարեց իրավախորհրդատու է, միջազգային իրավունքի փորձագետ պրոֆեսոր Շոն Մըրֆին՝ պատասխանելով Ադրբեջանի այն կեղծ պնդումներին, թե իբր Հայաստանն ականներ է տեղափոխում Լաչինի միջանցքով և դրանք տեղադրում բնակավայրերի մոտ։
«Հայաստանը բացառապես իր ինքնիշխան տարածքում է ականներ տեղադրել միայն ինքնապաշտպանական նպատակներով։ Դա անհարժեշտ եղավ, քանի որ 2021թ․ մայիսին , 2021 թ․ նոյեմբերին և 2022-ի սեպտեմբերին Ադրբեջանը հատեց Հայաստանի սահմանը, մտավ Հայաստան և բռնազավթեց Հայաստանի տարածքների որոշ մասը, և դրանք դեռևս մնում են Ադրբեջանի կողմից բռնազավթված։
Այդ հարձակումները և միջազգային հանրության կողմից դրանց դատապարտումը փաստաթղթերով հստակ արձանագրված են»,- նշեց Շոն Մըրֆին՝ հավելելով, որ ԵԽ-ն 2021-ի մայիսին ընդունեց բանաձև, որտեղ արձանագրվեց, որ Ադրբեջանի զորքերը մուտք են գործել Հայաստանի տարածք՝ այդ կերպ խախտելով ՀՀ տարածքային անձեռնմխելիությունը և միջազգային իրավունքի նորմերը։
«Նախագահ Մակրոնը հայտարարեց, որ Ադրբեջանի Զինված ուժերը մտել են Հայաստանի տարածք, նրանք պարտավոր են անմիջապես դուրս գալ։ Այսպիսի հայտարարությունների շարքը կարելի է շարունակել»,- նշեց միջազգային իրավունքի փորձագետը՝ ընդգծելով, որ այդ հարձակումների սկզբնական շրջանում Հայաստանն անհրաժեշտ էր համարել իր տարածքում ականներ տեղադրել՝ պաշտպանական նպատակներով»։
Նշենք, որ Արդարադատության միջազգային դատարանում երեկ մեկնարկել է Հայաստանի և Ադրբեջանի միջև դատավարական լսումները։ Հայաստանը պահանջում է պարտավորեցնել ադրբեջանական կողմին բացել Լաչինի միջանցքը և երկկողմանի ուղղությամբ ապահովել մարդկանց, տրանսպորտային միջոցների և բեռների ազատ տեղաշարժը։ Հայաստանի ներկայացուցիչ Եղիշե Կիրակոսյանը ՄԱԿ-ի Արդարադատության դատարանից հայտարարել է, որ անհապաղ միջոցներ է ակնկալում, հակառակ դեպքում Լեռնային Ղարաբաղի հայերն անհնարին ընտրության առջև կկանգնեն՝ թողնել իրենց պապենական տները, կամ մնալ այնտեղ և սովամահ լինել։
Այսօր Արդարադատության միջազգային դատարանից Ադրբեջանը պահանջել է պարտավորեցնել Հայաստանին դադարեցնել «ադրբեջանական տարածքների ականապատումը» և Լաչինի ճանապարհի օգտագործումը՝ Ղարաբաղ «ականները տեղափոխելու համար»։ Ադրբեջանի ներկայացուցիչը ՄԱԿ-ի դատարանում պահանջել է հրատապ միջոց կիրառել Հայաստանի դեմ՝ պնդելով, թե նոր փաստեր ունի։
Հայաստանի ներկայացուցիչ Եղիշե Կիրակոսյանը հերքել է Բաքվի մեղադրանքները։
Մանրամասները՝ տեսանյութում։
