08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Միխեիլ Սաակաշվիլիի վիճակը ծանր է
Քաղաքականություն
31.01.2023 | 17:19
Վրաստանի նախկին նախագահ Միխեիլ Սաակաշվիլիին ծանր վիճակում տեղափոխում են վերակենդանացման բաժանմունք։ Այս մասին ասել է նրա հիմնադրած «Միացյալ ազգային շարժում» ընդդիմադիր կուսակցության անդամ Գիորգի Չիլաձեն, գրում է ՄԿ-ն ։
«Հենց նոր խոսել եմ անձնական բժիշկի հետ․․․ Նախագահի առողջական վիճակը ծայրահեղ է, նրա կյանքը պահպանելու համար կարևոր է, որպեսզի նա տեղափոխվի վերակենդանացման բաժանմունք։ Այս պահին պատրաստվում է վերակենդանացման հիվանդասենյակը»,- հայտարարել է Չիլաձեն:
Սաակաշվիլիի ընտանիքի անդամները պարբերաբար ահազանգում են քաղաքական գործչի ծանր վիճակի մասին։ Ավելի վաղ անկախ բժիշկները հայտնել էին, որ Սաակաշվիլին թունավորվել է ծանր մետաղներով։ Թբիլիսիի քաղաքային դատարանը քննարկում է Սաակաշվիլիի ազատազրկման ժամկետը հետաձգելու հարցը՝ արտերկրում գտնվող կլինիկայում բուժում անցնելու համար։
Մինչ այս, Սպուտնիկի վրացական ծառայությունը հայտնում է, որ «Վիվամեդ» բժշկական կենտրոնի գլխավոր տնօրեն Նինո Նադիրաձեն չի հաստատում Սաակաշվիլիին վերակենդանացման բաժանմունք տեղափոխելու տեղեկությունը։ «Սաակաշվիլիին դեռևս ոչ մի տեղ չեն տեղափոխում։ Երբ որոշենք, կհաղորդեմ։ Դեռևս ոչ»,- ասել է Նինո Նադիրաձեն։
Տաթև Ֆռանգյան
