06.06.2026 | 21:10
Ջրափի գյուղի ընտրատեղամասում 3-րդ համարի քվեաթերթիկների տրցակը բացակայում էր․ ըստ ԿԸՀ-ի՝ խնդիրը տեխնիկական է
«Կալաշնիկովը» ՀԱՊԿ երկրների հետ զենք-զինամթերք մատակարարելու նոր պայմանագրեր է կնքել
Քաղաքականություն
31.01.2023 | 16:02
Ռուսական «Կալաշնիկով» կոնցեռնը նոր պայմանագրեր է կնքել զենքի ու զինամթերքի մատակարարումների համար, հիմնականում՝ ՀԱՊԿ երկրների հետ։ Այս մասին հայտնում են ընկերության մամուլի ծառայությունից, գրում է Ինտերֆաքսը։ Նշվում է, որ պայմանագրերի իրականացումը նախատեսված է 2023 թվականի ընթացքում։
«Ձեռնարկությունը պատրաստել է ավելի քան 10 կոմերցիոն առաջարկ՝ հիմնականում ՀԱՊԿ անդամ երկրներին զենք-զինամթերք մատակարարելու համար»,- ասվում է հաղորդագրության մեջ։ Նշվում է, որ վերջին տարիներին արտահանման ավելի քան 30 պայմանագրեր են կնքվել ու իրականացվել ավելի քան 25 երկրների հետ։
Հիշեցնենք, որ ՀԱՊԿ անդամ պետություններն են՝ Հայաստանը, ՌԴ-ն, Բելառուսը, Ղազախստանը, Ղրղզստանն ու Տաջիկստանը։
Էմմա Չոբանյան
