17.05.2026 | 16:02
Սպասվում է անձրև և ամպրոպ, տեղ-տեղ հնարավոր է նաև կարկուտ․ օդի ջերմաստիճանը կնվազի
Վիճաբանություն՝ հարևանների միջև․ 26-ամյա երիտասարդը ձերբակալվել է
Հասարակություն
30.01.2023 | 22:08
Հունվարի 27-ին «Աստղիկ» բժշկական կենտրոնից հաղորդում էր ստացվել, որ գանգուղեղային վնասվածքով բուժօգնության է տեղափոխվել 47-ամյա տղամարդ: Նրա հարազատները հայտնել էին, որ հարևանն է քլունգով խփել:
Ոստիկանության Մալաթիայի բաժնի քրեական հետախույզները ձեռնարկած միջոցառումների արդյունքում պարզել են, որ Հաղթանակ թաղամասի 2-րդ փողոցի տներից մեկի մոտ հարևանների միջև վիճաբանություն էր եղել, որի ընթացքում էլ 26-ամյա երիտասարդը աշխատանքային գործիքով խփել էր 47-ամյա հարևանի գլխին:
Փաստով նախաձեռնվել է քրեական վարույթ:
Մալաթիայի բաժնի քրեական հետախույզների և վետերանների բացատրական աշխատանքի արդյունքում հունվարի 29-ին 26-ամյա երիտասարդը ներկայացել է բաժին: Նա ձերբակալվել և ներկայացվել է Մալաթիայի քննչական բաժին, որտեղ տվել է խոստովանական ցուցմունք:
Հանցագործության գործիքը հայտնաբերվել է: Կատարվում է նախաքննություն:
