28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
15 զինվորի կյանք խլած հրդեհն ու «բանակի կարիքներն ապահովելը»․ ԵզրաԿԱՑՈՒԹՅՈՒՆ
Հաղորդաշարեր
19.01.2023 | 17:29
Դեռևս 2022-ի սեպտեմբերի 8-ին պաշտպանության նախարար Սուրեն Պապիկյանն Ազգային ժողովի ամբիոնից հայտարարել էր՝ Հայաստանի պաշտպանության նախարարությունն ի վիճակի է ապահովել մեր բանակի կարիքները։
Այս հայտարարությունից ամիսներ անց՝ այսօր տեղի ունեցած ողբերգությունը բազմաթիվ հարցականներ առաջ բերեց։ Վարչապետ Փաշինյանը կառավարության նիստում ներկայացրեց պաշտոնական վարկածը, ըստ որի, փայտով ջեռուցվող զորանոցում սպան փորձել է բենզինի 5 լիտրանոց տարայի օգնությամբ վառարանը վառել, ինչի հետևանքով էլ հրդեհ է բռնկվել։ Հիշեցնենք՝ ժամը 01:30-ի սահմաններում Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում բռնկված հրդեհը 15 զինծառայողի կյանք է խլել, ևս 3 զինծառայող հիվանդանոց է տեղափոխվել, նրանցից երկուսը վերակենդանացման բաժանմունքում են։
Factor TV-ի նկարահանող խումբն այսօր աշխատել է դեպքի վայրում։ Մենք արձանագրել ենք, որ զորանոցն իրականում հեռու է եղել տարրական անհրաժեշտ պայմաններից, և բանակի կարիքները լիովին ապահովելու՝ ՊՆ ղեկավարության պնդումներն իրականում չափազանցված են։
Անահիտ Հակոբյան
