15.01.2025 | 10:31
Տրանսպորտային քարտերը հնարավոր է ձեռք բերել նաև Երևանի մետրոպոլիտենի 10 կայարաններից․ քաղաքապետարան
ԵՄ-ն կոչ է անում Ադրբեջանին` ապահովել Լաչինի միջանցքով տեղաշարժի ազատությունը
Քաղաքականություն
13.12.2022 | 21:32
Եվրամիությունը դեկտեմբերի սկզբից լուրջ մտահոգությամբ է հետևում Լաչինի միջանցքի շուրջ տեղի ունեցող տարբեր զարգացումներին։ Այս մասին ասվում է կառույցի տարածած հայտարարության մեջ:
«ԵՄ-ն կոչ է անում Ադրբեջանի իշխանություններին ապահովել միջանցքով տեղաշարժի ազատությունն ու անվտանգությունը՝ համաձայն 2020 թվականի նոյեմբերի 9-ի եռակողմ հայտարարության»,- ասվում է հաղորդագրությունում։
Նշվում է, որ ազատ տեղաշարժի նման սահմանափակումները զգալի անհանգստություն են պատճառում տեղի բնակչությանը և առաջացնում հումանիտար մտահոգություններ: Այս և այլ մտահոգությունները կարող են և պետք է լուծվեն ներգրավված կողմերի երկխոսության և խորհրդակցությունների միջոցով:
ԵՄ-ն կրկնում է զսպվածության իր կոչը և պատրաստ է նպաստել վերոնշյալ ջանքերին։
