15.07.2026 | 22:23
Հայտնի է՝ հուլիսի 16-ին որ հասցեներում էլեկտրամատակարարումը կդադարեցվի
Ադրբեջանցիները փորձում են վրան տեղադրել Լաչինի միջանցքում․ ՏԵՍԱՆՅՈՒԹ
Քաղաքականություն
12.12.2022 | 12:45
Արդեն հայտնել էինք, որ ադրբեջանցիներն այսօր դարձյալ փակել են Ստեփանակերտ-Գորիս ավտոճանապարհը՝ Շուշի- Քարին տակ հատվածից։ Ադրբեջանական քարոզչական ու պետական լրատվամիջոցները, հայտնում են, որ ադրբեջանցի բողոքավորները պահանջում են հանդիպում Արցախում տեղակայված ռուս խաղաղապահ զորախմբի հրամանատար Անդրեյ Վոլկովի հետ ու նաև Լաչինի միջանցքի այդ հատվածում տեղադրում վրաններ։
Հիշեցնենք, որ ավելի վաղ Ադրբեջանի իշխանությունների կողմից գործուղղված էկոլոգները դեկտեմբերի 7-ին բանակցություններ էին անցկացրել Արցախում Վոլկովի հետ հանքերի Արցախյան հանքերի մոնիտորիգի հարցով ու համաձայնության հասել ադրբեջանական կողմի հետ։ Այդպես էլ պարզ չդարձավ, ինչ իրավասությամբ է Վոլկովը քննարկում Արցախի տնտեսությանն ու հանքարդյունաբերությանը վերաբերող հարցեր, որոնք իր իրավասությունների տիրույթից դուրս են։ Իսկ ահա Լաչինի միջանցքի անվտանգության ապահովումը, որը 2020թ-ի նոյե,բերի 9-ի եռակողմ հայտարարությամբ ռուս խաղաղապահների վերահսկողության տակ է, այդքան էլ լավ չի ստացվում։
Վոլկովի հետ պայմանավորվածություն ձեռք բերելուց հետո մի խումբ ադրբեջանցիներ իբր մոնիտորինգի համար հասել էին Կաշենի հանքավայր, սակայն տեղի արցախցիներն ու աշխատակիցները նրանց ներս չէին թողել։
Հիշեցնենք, որ դեկտեմբերի 3-ին Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ, իբր, բնապահպանական պատճառաբանությամբ կրկին փակել էին Ստեփանակերտ-Գորիս մայրուղին։
Էմմա Չոբանյան
