28.06.2026 | 05:30
ԱԱ-2026. Պորտուգալիան չհաղթեց Կոլումբիային ու փլեյ-օֆֆ դուրս եկավ երկրորդ տեղով. ՏԵՍԱՆՅՈՒԹ
2 տարում բազմաթիվ բաներ ենք լսել․ դատավճիռ չկա․ որո՞նք են հակահետախուզության հաջողությունները․ Խաչատրյան․ ՏԵՍԱՆՅՈՒԹ
Քաղաքականություն
09.12.2022 | 14:41
Ազգային Ժողովի ամբիոնից ՀՅԴ անդամ, ԱԺ «Հայաստան» խմբակցության պատգամավոր Արթուր Խաչատրյանը հայտարարեց, որ թեև խոսվում է հակահետախուզության բնագավառում արդյունքների ու հաջողությունների մասին, սակայն, իր դիտարկամբ, այդպիսի հաջողություններ իրականում չկան։
«Ես ուզում եմ հիշեցնել, որ 2 տարվա ընթացքում բազմաթիվ բաներ ենք լսել․ օրինակ՝ ազատամարտիկների մի խումբ գնացել զորամաս, զենք է ուզել, չեն տվել․ դա դավաճանություն է։ Այդ փաստով ոչ միայն դատավճիռ չկա, այլ նաև դատական գործ չկա հարուցված։
Կամ Ղարաբաղի գրանցումով ինչ-որ մեկն ասել է, որ ՀՀ վարչապետը կռիվը ծախել է։ էլի մեղադրանք է դավաճանության մեջ, բայց էլի դատավճիռ չկա։
Որո՞նք են հակահետախուզության հաջողությունները։
Հեռուստացույցով նայում ենք՝ ինչ-որ մեկն 80 դոլարով տվյալ է տվել։ Դա ձախողումն է հակահետախուզության, ոչ թե հաջողությունը»,- նշեց ընդդիմադիր պատգամավորը։
Մանրամասները՝ տեսանյութում։
