30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Քաշաթաղցիներին բնակարանով ապահովելու ծրագիրը լավարկելու ուղղությամբ քննարկումներ են արվում․ նախարար․ ՏԵՍԱՆՅՈՒԹ
Հասարակություն
08.12.2022 | 14:29
«Մենք մի քանի օր առաջ հանդիպում ենք ունեցել տեղահանված արցախցիների, այդ թվում նաև քաշաթաղցիների հետ, իրենք հարցեր են բարձրացրել և դրանց մեծ մասին մենք դրական ենք արձագանքել»,- այս մասին այսօր լրագրողների հետ զրույցում նշեց Աշխատանքի և սոցիալական հարցերի նախարար Նարեկ Մկրտչյանը՝ հավելելով, որ նրանց բնակարանով ապահովելու ծրագիրը լավարկելու ուղղությամբ քննարկումներ են արվում։
«Եթե մինչև մեր հանդիպումը բանկերը դիտարկում էին ընտանիքի բոլոր անդամների վարկունակությունյունը, վարկային պատմությունը, հիմա մենք բանկերի ու ԿԲ-ի հետ քննարկում ենք, որ բանկերը առանձնահատուկ վերաբերմունք ցուցաբերեն և այդ վարկունակությունը չդիտարկվի, խոսքը վերաբերում է «սև ցուցակներում» ընդգրկվածներին:
Քաշաթաղցիների կողմից հարց էր բարձրացվել, որ արդեն ուսումնասիրել են տարբեր մարզերում հողակտորներ, և ցանկանում են, որ հնարավորություն տրվի այդ 10 մլն դրամի մի որոշ մասը տրամադրել հողակտոր գնելուն, մյուս հատվածը կառուցմանը: Դա չկար ծրագրում: Մենք դրան դրական ենք արձագանքել»,- նշեց նախարարը՝ հավելելով, որ հանդիպման ժամանակ այսպիսի մի շարք հարցերի են անդրադարձել։
Մանրամասները՝ տեսանյութում։
