09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
ՔՊ-ի թեկնածուին կողմ էր նաև «Պատիվ ունեմ»-ը․ Հայկ Գրիգորյանը միաձայն ընտրվեց ԲԴԽ անդամի պաշտոնում․ ՏԵՍԱՆՅՈՒԹ
Քաղաքականություն
07.12.2022 | 10:43
Ազգային ժողովը Հայկ Գրիգորյանին միաձայն ընտրեց Բարձրագույն դատական խորհրդի անդամ։ ԱԺ 107 պատգամավորներից քվեարկությանը մասնակցել էր 75-ը․ ձայները բաշխվեցին հետևյալ կերպ՝ 75 կողմ, 0 դեմ։ Հիշեցնենք՝ ԲԴԽ անդամի պաշտոնում նրա թեկնածությունն առաջադրել է «Քաղաքացիական պայմանագիր» խմբակցությունը։ Հաշվի առնելով այն, որ ՔՊ-ն ունի 71 պատգամավոր, բացի այդ երեկվա քվեարկությանը իշխող ուժից բացակայողներ կային, իսկ «Հայաստան» դաշինքը չի մասնակցել քվեարկությանը, ստացվում է՝ ՔՊ-ի թեկնածուին կողմ է քվերակել նաեւ «Պատիվ ունեմ»-ը։
«Ստանձնելով ԲԴԽ անդամի բարձր պաշտոնը՝ ՀՀ ժողովրդի առջև երդվում եմ իմ պարտականությունները կատարել Հայաստանի Սահմանադրության և օրենքներին համապատասխան՝ ապահովելով իրավունքի գերակայությունը, երաշխավորելով դատավորների և դատարանների անկախությունը»,- ԱԺ ամբիոնից երդվեց Գրիգորյանը:
Նշենք, որ Հայկ Գրիգորյանն իրավաբանական գիտությունների դոկտոր է, շուրջ 47 գիտական հոդվածների և 3 մենագրությունների հեղինակ, որոնք վերաբերում են քրեական և միջազգային իրավունքի, քրեական դատավարության և քրեագիտության հիմնահարցերին: 2018-2021 թթ. Գրիգորյանը եղել է ՀՀ քննչական կոմիտեի նախագահ:
Մանրամասները՝ տեսանյութում։
