17.01.2026 | 14:10
Նոր համայնքային փնջեր են ձևավորվելու․ ՏԿԵՆ-ը նախագիծ է ներկայացրել
Թուրքիան մի քանի ռուսական լցանավերի մուտքը Բոսֆորի նեղուց թույլ չի տալիս
Քաղաքականություն
06.12.2022 | 13:18
Վեց ռուսական նավթային լցանավեր խցանման մեջ են հայտնվել Բոսֆորի նեղուցի մուտքի մոտ։ Այս մասին են վկայում նավերի շարժին հետևող պորտալի տվյալները, գրում է ՌԻԱ Նովոստին:
Ըստ այդ տեղեկությունների՝ «Կապիտան Բարմին», «Գեներալ Սկոբելև», «Լեդի Մարիա», «Լեդի Արիա», «Կամիներո» և «Ռոշեմ 2» նավերը խարսխված են Մարմարա ծովում՝ նեղուցից ոչ հեռու։ Եվս երկու լցանավեր՝ «Մեխանիկ Երոխինը» և «Վոլգա գետը», Դարդանելիից շարժվում են դեպի Բոսֆոր։
Այն մասին, որ Թուրքիայի ափերի մոտ լցանավերի հսկայական խցանում է առաջացել, նախօրեին հայտնել էր Financial Times-ը՝ վկայակոչելով նավթային թրեյդերներին, միջնորդներին և նավերի շարժն ուսումնասիրող ծառայություններին։ Ըստ պարբերականի՝ պատճառը եղել է ռուսական նավթի գների սահմանափակումների գործողության սկիզբը և Անկարայի՝ նավերի ապահովագրության վերաբերյալ տվյալները ներկայացնելու պահանջը։
Դեկտեմբերի 5-ին ուժի մեջ է մտել ԵՄ-ի էմբարգոն ռուսական նավթի մատակարարումների վրա, և սկսել է գործել գների վերին շեմը, համաձայն որի՝ ռուսական նավթի մեկ բարելի արժեքը պետք է լինի ոչ ավելի, քան 60 դոլար: Այս սահմանափակումները վերաբերում են ծովային բեռնափոխադրմանը, սակայն չեն վերաբերում խողովակաշարերի նավթին: Նավթամթերքի մասով նմանատիպ սահմանափակումները կգործեն փետրվարի 5-ից։
Տաթև Ֆռանգյան
