08.10.2026 | 19:43
Ժամանակավորապես կփակվի Դսեղ-Մարց ավտոճանապարհի մի հատվածը
Զելենսկին հայտարարել է Ուկրաինայի էներգետիկ և գազային օբյեկտների ուղղությամբ ավելի քան 40 հրթիռի արձակման մասին
Քաղաքականություն
15.01.2025 | 15:08
Հունվարի 15-ի առավոտյան ռուսական զորքերն ավելի քան 40 հրթիռ են արձակել ուկրաինական տարածքի ուղղությամբ՝ թիրախավորելով գազային ենթակառուցվածքները և էներգետիկ օբյեկտները։ Այս մասին հայտարարել է Ուկրաինայի նախագահ Վլադիմիր Զելենսկին։
«Ռուսական հերթական զանգվածային հարվածը։ Ձմռան կեսն է, իսկ ռուսների համար թիրախը մնում է նույնը՝ մեր էներգետիկ ոլորտը։ Նպատակների թվում են գազի ենթակառուցվածքներն ու էներգետիկ օբյեկտները, որոնք ապահովում են մարդկանց նորմալ կյանքը։ Այս հարվածին ներգրավվել է ավելի քան 40 հրթիռ, այդ թվում՝ բալիստիկ։ Առնվազն 30-ը ոչնչացվել է։ Գիշերվա ընթացքում օգտագործվել են նաև ավելի քան 70 ռուսական հարվածային անօդաչու թռչող սարքեր։ Մեր հակաօդային պաշտպանության շնորհիվ պահպանվում է մեր էներգետիկ համակարգի աշխատանքը»,- նշել է Զելենսկին։
Նա նաև հայտարարել է, որ անհրաժեշտ է ուժեղացնել ուկրաինական օդային պաշտպանության առկա հնարավորությունները։
Վաշինգտոնում ՆԱՏՕ-ի գագաթնաժողովի և Ռամշտայնի ձևաչափի հանդիպմանը գործընկերները խոստումներ են տվել, որոնք դեռ ամբողջությամբ չեն իրականացվել։
Թարգմանությունը՝ Էմմա Չոբանյանի
