16.02.2026 | 00:04
Հայաստանի գեղասահորդները հաջող մեկնարկեցին Օլիմպիական խաղերում․ ՏԵՍԱՆՅՈՒԹ
Կիսելյովն արձագանքել է իր հաղորդման պատճառով ՌԴ դեսպանին ՀՀ ԱԳՆ կանչելուն
Քաղաքականություն
15.01.2025 | 17:07
«Ռուսաստանն այսօր» գործակալության գլխավոր տնօրեն, հեռուստահաղորդավար Դմիտրի Կիսելյովը NEWS.ru-ի հետ զրույցում հայտարարել է, որ չգիտի, թե «Շաբաթվա լուրեր» հաղորդման ընթացքում կոնկրետ ո՞ր հայտարարության համար է Հայաստանում ՌԴ դեսպան Սերգեյ Կոպիրկինը կանչվել ՀՀ ԱԳՆ։
«Չեմ հասկանում, թե կոնկրետ ինչ հայտարարություն է վիրավորել հայ եղբայրներին։ Դեռևս մեկնաբանելու ոչինչ չկա»,- ասել է Կիսելյովը։
Ավելի վաղ ՀՀ ԱԳՆ-ն հայտնել էր, որ 2025թ. հունվարի 12-ին Ռուսաստանի Դաշնության համառուսաստանյան պետական հեռուստատեսության եթերում թողարկված «Շաբաթվա լուրեր» հաղորդման առնչությամբ, որի ընթացքում հնչեցվել են արհեստականորեն գեներացված խոսույթներ Հայաստանի Հանրապետության ինքնիշխանության և տարածքային ամբողջականության դեմ, հունվարի 15-ին ԱԳ նախարարություն է կանչվել Հայաստանի Հանրապետությունում Ռուսաստանի Դաշնության դեսպան Սերգեյ Կոպիրկինը։ Հանդիպման ընթացքում դեսպանին է հանձնվել համապատասխան բողոքի հայտագիր:
Նշենք, որ հաղորդման ընթացքում Կիսելյովը խոսել է, այսպես կոչված, «Զանգեզուրի միջանցքի»բ ացման մասին Ադրբեջանի նախագահ Իլհամ Ալիևի հայտարարություններից՝ ներկայացնելով ադրբեջանական քարոզչական թեզերն ու խեղաթյուրելով նոյեմբերի 9-ի եռակողմ հայտարարությունը։
«Ադրբեջանի համար կենսական նշանակության է մնում ավտոճանապարհի բացումը «Զանգեզուրի միջանցքով», ինչի մասին պայմանավորվել են դեռևս 2020 թվականի նոյեմբերի 10-ին՝ հայ-ադրբեջանական պատերազմի արդյունքներով Պուտինը, Ալիևն ու Փաշինյանը եռակողմ հայտարարությամբ։ Ընդամենը 40 կմ երկարությամբ «Զանգեզուրի միջանցքը» պետք է միացնի Ադրբեջանի հիմնական տարածքն իր էքսկլավ Նախիջևանի, իսկ այնտեղից՝ Թուրքիայի հետ։ Ելույթ ունենալով լրագողների առջև՝ նախագահ Ալիևը բացառիկ վճռական է եղել։ Գնահատեք ինքներդ»,- եթերում հայտարարել է Կիսելյովը՝ միացնելով Ալիևի՝ ՀՀ-ի հասցեին հնչող սպառնալիքներով ելույթը։
Թարգմանությունը՝ Էմմա Չոբանյանի
