10.08.2026 | 10:03
4 խաղափուլից հետո երեք հայ շախմատիստ առաջատարների շարքում է. Եվրոպայի Մ20 առաջնություն
Թեհրանը երբեք չի ծրագրել ոչնչացնել Դոնալդ Թրամփին․ Իրանի նախագահ
Քաղաքականություն
15.01.2025 | 16:07
Իրանը երբեք չի ծրագրել սպանել ԱՄՆ նորընտիր նախագահ Դոնալդ Թրամփին։ Այս մասին NBC News-ին տված հարցազրույցում ասել է Իրանի նախագահ Մասուդ Փեզեշքիանը՝ հերքելով Թրամփի և ԱՄՆ կառավարության նախկին պնդումները, փոխանցում է Reuters-ը։
Նոյեմբերին ԱՄՆ արդարադատության նախարարությունը մեղադրել էր մի իրանցու՝ կապված Իրանի Իսլամական հեղափոխության պահապանների կորպուսի կողմից ԱՄՆ նորընտիր նախագահի դեմ մահափորձի ենթադրյալ դավադրության հետ: Իրավապահ մարմինները խափանել էին ենթադրյալ ծրագիրը՝ նախքան հարձակումը: Թրամփը նաև անցյալ տարի ԱՄՆ նախընտրական քարոզարշավի ժամանակ ասել էր, որ Իրանը կարող է կանգնած լինել իրեն սպանելու փորձերի հետևում։
«Ո՛չ։ Մենք երբեք չենք փորձել դա անել և երբեք չենք անի»,- ասել է Պեզեշքիանը NBC News-ին՝ պատասխանելով հարցին՝ արդյո՞ք Իրանը Թրամփին սպանելու ծրագիր ուներ։
Իրանը նախկինում ևս հերքել է ԱՄՆ-ի պնդումներն ամերիկյան գործերին միջամտելու մասին, այդ թվում՝ կիբեր գործողությունների միջոցով:
Թարգմանությունը՝ Էմմա Չոբանյանի
