25.05.2026 | 23:41
Գյումրիի արտահերթ ընտրություններ ենք իրականացնելու. Նիկոլ Փաշինյան. ՏԵՍԱՆՅՈՒԹ
Արդյո՞ք չեն հակասում ԵՏՄ-ի և ՀԱՊԿ-ի հանդեպ պարտավորություններին․ Կարասինը՝ ՀՀ-ԱՄՆ ռազմավարական գործընկերության փաստաթղթի մասին
Քաղաքականություն
15.01.2025 | 16:47
ՌԴ Դաշնային խորհրդի միջազգային հարցերով հանձնաժողովի ղեկավար Գրիգորի Կարասինը Telegram-ի իր ալիքում անդրադարձել է նախօրեին Վաշինգտոնում ՀՀ-ԱՄՆ ռազմավարական գործընկերության փաստաթղթի ստորագրմանը՝ հարցադրում անելով՝ արդյո՞ք Հայաստանի կողմից ստորագրված փաստաթղթերը չեն հակասում այլ գործընկերների ու միջազգային կառույցների առջև արդեն իսկ ստանձնած պարտավորություններին, ինչպես, օրինակ, ԵՏՄ-ին ու ՀԱՊԿ-ին։
«Մտավախություն ունեմ, որ Հայաստանի ներկայացուցիչների գլխապտույտ գործունեությունը բոլորի հետ և ամեն ինչում համագործակցության տարբեր տեսակի պարտադիր փաստաթղթերի ստորագրման հարցում կարող է անսպասելի և բարդ հետևանքներ ունենալ այդ երկրի և նրա ժողովրդի համար։ Հարցեր են առաջանում վերոնշյալ փաստաթղթերի մշակման լրջության և դրանց համապատասխանության վերաբերյալ այն պարտավորություններին, որոնք Հայաստանն արդեն իսկ ստանձնել է այլ գործընկերների և միջազգային կազմակերպությունների հանդեպ։ Խոսքը վերաբերում է հատկապես ԵՏՄ-ին և ՀԱՊԿ-ին։ Պատմությունը ցույց է տալիս, որ քաղաքականության մեջ ազարտը հաճախ բերում է անսպասելի արդյունքների»,- գրել է Կարասինը։
Թարգմանությունը՝ Տաթև Ֆռանգյանի
