Տնտեսություն
02.12.2022 | 12:53Ամանորյա միջոցառումների նախապատրաստական աշխատանքներ իրականացնելու, այդ թվում նաև տոնական լուսավորության ապահովման համար Երևանի քաղաքապետարանը պայմանագիր է կնքել «Սինեմարտ» ՍՊԸ-ի միջև, որը ոլորտում փորձ չունի, և վերջինիս գործունեության վրա արգելանք է դրված եղել, որը հանվել է պայմանագիր կնքելուց օրեր առաջ։
Այսօր հրավիրված ասուլիսում Երևանի փոխքաղաքապետ Սուրեն Գրիգորյանն անդրադառնալով այս դիտարկմանը, նշեց․ «Այդ ընկերության վերաակտիվացման մասին էլ եմ տեղյակ, ագելանքից էլ․ աննշան գումարի հետ էր կապված։ Մեր բազմաթիվ քաղաքացիների հաշիվներին արգելանքներ են դրվում, բայց դա իրենց չի բնորոշում որպես վատ կամ անպարտաճանաչ քաղաքացի։
Ինչ վերաբերում է ոլորտում «Սինեմարտ» ընկերության փորձին, քաղաքապետը նշեց․ «Ես չեմ նշել ընկերության փորձի մասին, այլ ասել եմ, որ հաշվի է առնվել նաև այն, որ այս ընկերությունը ներգրավելու է փորձառու անձանց»։
Որոշ կազմակերպություններ կան, որոնք հաճախ հաղթում են մրցույթներում կամ մեկ անձից գնման պայմանագիր է կնքվում իրենց հետ, ասում եք՝ ինչո՞ւ եք միշտ նույն ընկերության հետ կնքում։ Նոր ընկերության հետ ենք կնքվում, ասում են՝ առաջին անգամ են մասնակցում, փորձ չունեն, ինչո՞ւ եք կնքում։ Լավ, ո՞ւմ հետ պայմանագիր կնքենք, որ հարց չառաջանա»,- նշեց փոխքաղաքապետը։
Ինչ վերաբերվում է թափանցիկ մրցույթների միջոցով ընտրված ընկերությունների հետ աշխատելուն, Գրիգորյանը նշեց, որ դրանք երկնքից ընկած մանանա չեն, հաճախ արդյունքներն ավելի վատ են լինում։
Մանրամասները՝ տեսանյութում։
