15.01.2025 | 20:22
Հայաստանի մի շարք շրջաններում մառախուղ է
Աշխատավայրում կանայք պաշտպանված չեն սեռական բռնությունից․ օրենսդրական մեխանիզմներ չկան․ Աննա Հովհաննիսյան․ ՏԵՍԱՆՅՈՒԹ
Հասարակություն
29.11.2022 | 13:57
Ընդդեմ կանանց նկատմամբ բռնության կոալիցիան «Գենդերային բռնության կանխարգելումը Հայաստանում» վերտառությամբ ազգային համաժողով է կազմակերպել։ Միջոցառումը տեղի է ունենում «Կին իրավապաշտպանները քայլեր են ձեռնարկում գենդերային բռնության դեմ Հայաստանում» 2020-2022թթ․ ծրագրի շրջանակում, որն իրականացվում է Եվրոպական միության ֆինանսավորմամբ։
«Գենդերային բռնության դեմ պայքարը վերջին տարիներին Հայաստանում ավելի տեսանելի է դարձել»,- այս մասին համաժողովում նշեց Կանանց ռեսուրսային կենտրոնի շահերի պաշտպանության մասնագետ Աննա Հովհաննիսյանը։
2017թ․ ընդունվեց Ընտանեկան բռնության մասին նոր օրենքը, այս տարվա հուլիսից արդեն կիրառվում են նոր Քրեական և Քրեադատավարական օրենսգրքերը, Ընտանեկան աջակցության կենտրոններ ունենք Երևանում և մարզերում, նաև ունենք պետական համաֆինանսավորում։
Միևնույն ժամանակ Հայաստանում շարունակվում են գենդերային այնպիսի բռնություններ, ինչպիսիք են, օրինակ, սեռական ոտնձգություններն աշխատավայրում։ Կանայք աշխատավայրում պաշտպանված չեն սեռական բռնությունից։
Չունենք օրենսդրական մեխանիզմներ, չունենք այս երևույթը կանխարգելելուն ուղղված քաղաքականություն»,- նշեց Աննա Հովհաննիսյանը՝ ընդգծելով, որ այս ուղղությամբ անելիքներ դեռ շատ կան։
Նա նաև շեշտեց, որ բռնության երևույթների դեպքում իրավապահ համակարգը դրսևոում է ոչ զոհակենտրոն մոտեցում։ Առկա են նաև արդարադատության լուրջ խոչընդոտներ։
Մանրամասները՝ տեսանյութում։
