16.01.2026 | 13:10
Կրկնակի օլիմպիական չեմպիոն Աբդուլռաշիդ Սադուլաևը պայմանագիր է կնքել RAF-ի հետ
Բռնության ենթարկված անձանց աջակցության ծրագրերն ավելացել են, բայց դեռ շատ աշխատանք կա անելու․ Լիանա Ամիրբեկյան․ ՏԵՍԱՆՅՈՒԹ
Հասարակություն
29.11.2022 | 13:33
Ընդդեմ կանանց նկատմամբ բռնության կոալիցիան «Գենդերային բռնության կանխարգելումը Հայաստանում» վերտառությամբ ազգային համաժողով է կազմակերպել։ Միջոցառումը տեղի է ունենում «Կին իրավապաշտպանները քայլեր են ձեռնարկում գենդերային բռնության դեմ Հայաստանում» 2020-2022թթ․ ծրագրի շրջանակում, որն իրականացվում է Եվրոպական միության ֆինանսավորմամբ։
«Տղամարդկանց ներգրավվածությունն այս պայքարի մեջ շատ կարևոր է»,- համաժողովում ելույթ ունենալով՝ այս մասին շեշտեց Երևանում ԵԽ գրասենյակի ծրագրի ղեկավար Լիանա Ամիրբեկյանը։
«Շատ աշխատանքներ են իրականացվում գենդերային բռնության կանխարգելման ուղղությամբ, բազմաթիվ ծրագրեր են իրականացվում, մեծ թվով մասնագետներ են վերապատրաստվում։ Հաճախ են դարձել իրազեկման արծավներն ու միջոցառումները։
Վերջին շրջանում նաև օրենսդրական փոփոխություններ են տեղի ունեցել, որոնք հնարավորություն են ընձեռում գենդերեյաին և ընտանեկան և գենդերային բռնության հիմքով երևույթների դեմ պայքարել։
Ստեղծվել են սոցիալական ծառայությունների կենտրոնները, որոնք աջակցում են բռնության ենթարկած անձանց, գրեթե բոլոր մարզերում կան աջակցման կենտրոններ։ Փոփոխությունները շատ են» ,- նշեց Լիանա Ամիրբեկյանը՝ ընդգծելով, որ այնուամենայնիվ դեռ շատ աշխատանք կա անելու, անհրաժեշտ է սերտորեն համագործակցել՝ այս երևույթն արմատախիլ անելու համար։
Մանրամասները՝ տեսանյութում։
