21.02.2026 | 13:52
Գերմանիայի կանցլեր Ֆրիդրիխ Մերցը վերընտրվել է Քրիստոնեա-դեմոկրատական միության ղեկավարի պաշտոնում
Հայտնի է դատավոր Դավիթ Բալայանի՝ ԲԴԽ-ին մերժելու պատճառը
Հասարակություն
29.11.2022 | 10:17
Բարձրագույն դատական խորհուրդը Factor.am-ի գրավոր հարցմանն ի պատասխան տրամադրել է դատավոր Դավիթ Բալայանի գրությունը, որում վերջինս պարզաբանել է, թե ինչու է հրաժարվում, որպեսզի իր թեկնածությունն առաջարկվի Վերաքննիչ քրեական դատարանում դատավորի թափուր պաշտոնի համար: Բալայանը գրության մեջ նշել է, որ նպատակահարմար չի գտնում տալ իր համաձայնությունը` հաշվի առնելով Երևանի ընդհանուր իրավասության դատարանի ծանրաբեռնվածությունը:
Նշենք, որ վերջին շրջանում Երևանի դատարանի քրեական մասնագիտացմամբ երկու դատավոր` Մարինե Մելքոնյանը և Ռոբերտ Պապոյանը տեղափոխվել է վերաքննիչ դատարան: Դատավոր Բալայանը նշել է, որ այս դատավորների վարույթում եղել է 270 գործ, որոնք վերաբաշխվել են կամ ենթակա են վերաբաշման, բացի այդ` դատարանի մեկ այլ դատավոր` Մնացական Մարտիրոսյանը, հավանական է առաջիկայում տեղափոխվել Հակակոռուպցիոն դատարան, հետևաբար՝ նրա վարույթում առկա շուրջ 100 գործերը ևս ենթակա կլինեն վերամակագրման:
Բալայանի վարույթում առկա է շուրջ 140 գործ: Դատավորը նշել է, որ եթե ինքը ևս ընդունի ԲԴԽ-ի առաջարկն, ապա Երևանի ընդհանուր իրավասության դատարանում առկա գործերի քննության բնականոն ընթացքը կխաթարվի:
